Íslensk yfirvöld boða enn frekari sóttvarnaraðgerðir, en meðal þess sem sóttvarnarlæknir mælist til er að viðburðarhaldarar fresti öllum viðburðum sem eiga að fara fram næstu tvær vikur. Æskilegt er að ýmsir hópar sem vanir eru að hittast og ganga saman eða njóta samveru geri hlé á slíkum hittingum næstu tvær vikur.
Í ljósi þess mælist stjórn Hrfí til þess að öllum viðburðum á vegum deilda félagsins verði slegið á frest. Þannig stöndum við saman að heftingu útbreiðslu faraldursins og flýtum fyrir því að hægt sé að stunda hundasportið með eðlilegum hætti.
Með von um skilning og góðar undirtektir,
Stjórn HRFÍ

Ágætu félagsmenn,
Það liggur ljóst fyrir að ekki verður hægt að halda sýningar þær sem áætlaðar voru nú í október vegna sóttvarnarreglna og stöðu smita í samfélaginu.
Til að byrja með áætlum við að færa sýningarnar fram í nóvember og vonum að staðan muni þá verða betri. Nánari upplýsingar verða birtar síðar en eins og áður þá munu þeir sem óska eftir að fella niður skráningar á sýningarnar hafa kost á því og eru þá beðnir um að senda okkur póst á hrfi@hrfi.is.
Sýningar sem munu færast til en verða þá vonandi í nóvember eru;
Meistarasýning og keppni ungra sýnenda 10. og 11. október
Hvolpasýning 17.-18. október
Meistarasýningar 24. og 25. október
Við erum að vinna í að finna nýjar dagsetningar og munum gefa þær út eins fljótt og auðið er.
Farið varlega og við sjáum vonandi brátt á sýningu, Sýningarstjórn

Eins og öllum er kunnugt er ný covid bylgja farin af stað á höfuðborgarsvæðinu og stjórnvöld að mælast til aukinnar varkárni almennings. Í því ljósi höfum við endurmetið stöðuna varðandi fyrirhugaðar sýningar og áveðið að meistarasýningar sem eru á dagskrá næstu helgi, 26. og 27. september, verði færðar aftur um mánuð, eða til 24. og 25. október. n.k. Þá verði hvolpasýningin sem auglýst er 3.-4. október færð aftur til 17.-18. október. Dagsetning meistarasýningar og keppni ungra sýnenda þann er 10.-11. október verður óbreytt.
Vonandi næst að koma böndum á smitin næstu daga og þessar dagsetningar fá að standa. Ef ekki, færum við sýningarnar aftur til á meðan við höfum svigrúm með húsnæði og dómara.
Þá gerum við ráð fyrir þeirri breytingu að Þorbjörg Ásta Leifsdóttir dæmi helgina 24. og 25. október eftirfarandi tegundir í stað þeirra dómara sem auglýstir eru í dag: Collie Rough, Collie Smooth, Shetland sheepdog og Siberian Husky. Þeir sem óska eftir að fella skráningu sína niður vegna þessara breytinga (ath. á ekki við um sýningar 10.-11. október), eða eru með hunda sem færast á milli aldursflokka við breytinguna, eru vinsamlegast beðnir um að senda okkur póst þess efnis á hrfi@hrfi.is fyrir lok næsta mánudags, 28. september n.k.
Að öðrum kosti gerum við ráð fyrir að skráningin gildi fyrir síðari dagsetningar.
Ný skráningalok eru á miðnætti dags sem hér segir og fara sem fyrr fram á hundeweb.dk:
Meistarasýning og keppni ungra sýnenda 10. og 11. október: 5. október (óbreytt)
Hvolpasýning 17.-18. október: 12. október
Meistarasýningar 24. og 25. október: 19. október

​Baráttukveðjur og farið varlega! Sýningastjórn.

Upplýsingar um hvolpasýninguna má finna hér: www.hrfi.is/freacutettir/hvolpasyning-3-4-oktober
Upplýsingar um meistarastigssýningarnar má finna hér: www.hrfi.is/freacutettir/meistarastigssyningar-og-keppni-ungra-synenda

Í ljósi þeirra aðstæðna sem skapast hafa vegna Covid 19 í heiminum og óvissu um framhaldið sér stjórn HRFÍ sér ekki annað fært en að aflýsa Norðurlandasýningu félagsins sem halda átti í Reiðhöllinni í Víðidal 28.-29. nóvember 2020.
Vonandi munu aðstæður verða okkur hliðhollari þegar næsta sýning félagsins er áætluð í febrúar 2021.  

Hvolpasýning verður haldin helgina 17.-18. október (var áður áætluð 3.-4. október) í reiðhöllinni Mánagrund í Reykjanesbæ. Sýningin er opin öllum tegundum hvolpa á aldrinum 3-9 mánaða en keppt verður í tveimur flokkum, 3-6 mánaða og 6-9 mánaða. Hvolparnir skulu vera full bólusettir.
Eftirfarandi sýningadómarar HRFÍ munu sjá um dómgæslu: Auður Sif Sigurgeirsdóttir, Herdís Hallmarsdóttir, Lilja Dóra Halldórsdóttir, Sóley Halla Möller, Sóley Ragna Ragnarsdóttir, Þorsteinn Thorsteinsson og Þórdís Björg Björgvinsdóttir.
Opið er fyrir skráningu á sýninguna sem fram í gegnum Hundeweb.dk til og með 12. október kl. 23:59, nánar um skráningu á sýningar má finna hér.
Athugið að dómari sem er tilgreindur í skráningakerfi er ekki endilega dómarinn sem dæmir tegundina.
Félagið biður alla þátttakendur að fylgja gildandi sóttvarnarreglum í hvívetna og takmarka tíma sem dvalið er á sýningasvæði og fjölda sem fylgir hverjum hundi. Frekari leiðbeiningar vegna sóttvarna verða birtar þegar nær dregur sýningu.
Góð upplifun og æfing fyrir hvolpinn er í fyrirrúmi á hvolpasýningu og hlökkum við til að sjá upprennandi sýningahunda félagsins á þessum skemmtilega viðburði.

​Félagið heldur röð meistarasýninga í október, sjá nánar um þær hér.

​HRFÍ heldur röð meistarastigssýninga í samstarfi við Félag sýningadómara HRFÍ og ræktunardeildir 10. og 11. október og 24. og 25. október n.k. í reiðhöllinni Mánagrund í Reykjanesbæ. Þá verður keppni ungra sýnenda haldin á sama stað þann 10. október n.k. Skráning fer fram á Hundeweb.dk, nánar um skráningu má finna hér.
Skráningafrestur fyrir sýningarnar 10. og 11. október er 5. október kl. 23:59.
Skráningafrestur fyrir sýningarnar 24. og 25. október er 19. otkóber kl. 23:59.
 
Dagskrá
10. október:
Keppni ungra sýnenda: Dómari Karen Ösp Guðbjartsdóttir. Keppnin gildir til stiga um sýningahæstu ungu sýnendur ársins.
Bichon frise: Þórdís Björg Björgvinsdóttir
Íslenskur fjárhundur: Þorsteinn Thorsteinson
Poodle: Þórdís Björg Björgvinsdóttir
Shih tzu: Þórdís Björg Björgvinsdóttir
 
11. október:
Australian shepherd: Daníel Örn Hinriksson
Coton de tuléar: Daníel Örn Hinriksson
French bulldog: Viktoría Jensdóttir
Giant schnauzer: Viktoría Jensdóttir
Griffon: Sóley Ragna Ragnarsdóttir
Havanese: Daníel Örn Hinriksson
Japanese chin: Sóley Ragna Ragnarsdóttir
Miniature schnauzer: Viktoría Jensdóttir
Papillon: Daníel Örn Hinriksson
Pug: Daníel Örn Hinriksson
Schnauzer: Viktoría Jensdóttir
Tibetan spaniel: Sóley Ragna Ragnarsdóttir
 
24. október:
Afghan hound: Auður Sif Sigurgeirsdóttir
American cocker spaniel: Auður Sif Sigurgeirsdóttir
Cavalier king charles spaniel: Sóley Halla Möller
English cocker spaniel: Auður Sif Sigurgeirsdóttir
English springer spaniel: Auður Sif Sigurgeirsdóttir
Flat-coated retriever: Auður Sif Sigurgeirsdóttir
Golden retriever: Auður Sif Sigurgeirsdóttir
Labrador retriever: Viktoría Jensdóttir
Shetland sheepdog: Þorbjörg Ásta Leifsdóttir
 
25. október:
Bearded collie: Herdís Hallmarsdóttir
Border collie: Lilja Dóra Halldórsdóttir
Chihuahua: Sóley Halla Möller
Collie: Þorbjörg Ásta Leifsdóttir
German shepherd dog: Sóley Halla Möller
Pomeranian: Sóley Halla Möller
Siberian husky: Þorbjörg Ásta Leifsdóttir
Welsh corgi pembroke: Lilja Dóra Halldórsdóttir
Aðrir dómarar sýninganna varadómarar á þær tegundir sem þeir hafa réttindi á, forfallist dómari sem skráður er á tegund eða fjöldi skráðra hunda gerir það nauðsynlegt.
​
Keppt verður í eftirfarandi flokkum í samræmi við sýningareglur félagsins: Hvolpaflokkum 4-6 mánaða og 6-9 mánaða, ungliðaflokki, unghundaflokki, opnum flokki, vinnuhundaflokki, meistaraflokki og öldungaflokki. Ekki verður keppt í ræktunar- og afkvæmahópum. Úrslit verða einungis innan hverrar tegundar.
Samkvæmt samþykki stjórnar HRFÍ verða ungliðameistarastig einnig veitt í unghundaflokki, sjá hér.
 
Félagið biður alla þátttakendur að fylgja gildandi sóttvarnarreglum í hvívetna og takmarka tíma sem dvalið er á sýningasvæði og fjölda sem fylgir hverjum hundi. Frekari leiðbeiningar vegna sóttvarna verða birtar þegar nær dregur sýningum.

Félagið heldur hvolpasýningu fyrir allar tegundir helgina 3.-4. október, sjá nánar hér.

​Stjórn HRFÍ hefur samþykkt að ungliðameistarastig verði veitt bæði í ungliða- og unghundaflokki á sýningum til og með 7. mars 2021 í ljósi þess stutta tíma sem ungliðastig eru í boði fyrir hund og vegna þess að fella þurfti niður júnísýningu og ágústsýningar félagsins vegna Covid-19. Það verða því sitthvor ungliðameistarastigin í boði fyrir besta rakka og bestu tík í ungliða- og unghundaflokki með sambærilegum reglum. Besti ungliði tegundar verður sem áður valinn úr ungliðaflokki.

Vegna takmarkanna við landamæri Íslands í tengslum við Covid 19 faraldurinn getur félagið ekki staðið fyrir augnskoðun sem fyrirhuguð var 2.-5. september næstkomandi. Augnskoðuninni verður því frestað þar til aðstæður leyfa framkvæmd hennar. Þeir sem þegar hafa bókað tíma í augnskoðun hvort sem er á Akureyri eða í Reykjavík eiga áfram tímann og því forgang þegar hún verður haldin. Hægt er að bóka tíma í augnskoðun á skrifstofu félagsins.

​Í ljósi aðstæðna ákvað stjórn því að veita ræktendum áframhaldandi svigrúm er varðar augnvottorð. Telur stjórn ekki hægt að krefjast augnskoðunar að viðlagðri kæru til siðanefndar á þeim tíma sem ekki er hægt að bjóða uppá augnskoðun. Séu undaneldisdýr notuð til ræktunar án þess að þau hafi verið augnskoðuð eða með of gamalt augnvottorð verða ættbækur engu að síður gefnar út og ekki verður send inn kæra til siðanefndar.
Það er fortakslaust skilyrði að ræktandi mæti strax með dýrið í næstu augnskoðun sem félagið mun standa fyrir og eigi bókaðan tíma þegar sótt er um ættbækur. Mæti dýrið ekki verður án tafar málið sent til meðferðar siðanefndar auk þess sem afkvæmin verða sjálfkrafa sett í ræktunarbann. Svigrúmið gildir um þau got þar sem pörun átti sér stað eftir síðustu augnskoðun félagsins sem haldin var 6.-7. febrúar síðast liðinn.

​Stjórn vill áfram árétta að ræktun án heilbrigðisskoðana er alfarið á ábyrgð ræktenda sjálfra og treystir þvi að ræktendur sýni áfram sem hingað til ábyrgð í ræktun og hafi í heiðri velferð og heilbrigði dýranna.

Á næstu dögum ættu sýningargjöld að berast til félagsmanna. Skráningargjald er endurgreitt að fullu að frádregnum 5% sem fellur til vegna kostnaðar við skráninguna og félagið þarf að greiða. Við vonum að félagsmenn sýni þvi skilning og biðlund þar til endurgeiðsla hefur borist. Spurningum eða öðrum athugasemdum vegna endurgreiðslu skal beina til skrifstofu á netfangið hrfi@hrfi.is
​