​Nú líður að fyrstu sýningu ársins sem verður alþjóðleg-norðurljósasýning og verður hún haldin í reiðhöll Fáks í Víðidal. Vegna húsnæðismála verður ekki sérstök hvolpasýning að þessu sinni og því verða 4-9 mánaða hvolpar sýndir á laugardegi og sunnudegi með sinni tegund. Ekki er hægt að skrá yngri hvolpa vegna sjúkdómahættu. Við minnum félagsmenn á að passa að ganga snyrtilega um og vera hundaeigendum og félaginu til fyrirmyndar. Dómarar sýningarinnar eru Anna Brankovic (Serbía), Daníel Örn Hinriksson (Ísland), Harto Stockmari (Finnland), Luis Pinto Texeira (Portúgal), Moa Persson (Svíþjóð) og Zoran Brankovic (Serbía). Keppni ungra sýnenda fer fram sunnudaginn 24. febrúar - áætlað er að keppni hefjist kl. 11 og dómari verður Anne Gill frá Noregi.
Búið er að opna fyrir skráningu á sýninguna og má finna upplýsingar um það hér að neðan.

Skráningarfrestur verður út sunnudaginn 27. janúar (kl. 23:59) á gjaldskrá 1.
ATH ekki verður gjaldskrá 2 að þessu sinni útaf stuttum fyrirvara.
Einnig verður hægt að skrá í gegnum síma og á skrifstofu félagsins en kostar aukalega 500 kr. á hvern hund sem er skráður með þeim hætti. ATHUGIÐ að skráning ungra sýnenda fer fram á skrifstofu. 
 
Hvernig skal skrá á sýningu í gegnum Hundeweb
Eigandi/eigendur hunds sem skráður er á sýningu HRFÍ skal vera virkur félagsmaður, með greitt árgjald, í HRFÍ, eða félagi viðurkenndu af HRFÍ, það ár sem sýningin fer fram. Ef eigandi hefur ekki greitt félagsgjald skal hafa samband við skrifstofu HRFÍ til að ganga frá greiðslu á því áður en skráð er á sýningu. Hundar skráðir á sýninguna með íslenska eigendur skulu vera skráðir í HRFÍ. Aðrir hundar verða að vera skráðir hjá öðrum hundaræktunarfélögum samþykktum af FCI. Skráning og greiðsla þarf að hafa borist félaginu áður en síðasta skráningadegi lýkur.
Fyrsta sem þarf að gera er að stofna eða fara inn á sinn aðgang undir “My page” hér á hundeweb.dk. Síðan er farið inn á HUNDEWEB og þar valið “Web entry”. Þar er valin sú sýning sem á að skrá á. Flétta þarf upp ættbókarnúmeri hundsins. Ef hann er ekki skráður í kerfið þarf að stofna hundinn, þá er valið “Enter new unknown dog”. Nánar um skráningar á sýninguna má sjá í góðu útskýringar myndbandi frá DKK, hér: https://www.dkk.dk/english/dog-shows/how-to/enter-a-dog-show (myndbandið er á ensku).
Ef einhverjar spurningar vakna eða vandræði verða við skráningu vinsamlegast hafið samband við skrifstofu á netfangið hrfi@hrfi.is eða í síma 588-5255.
 
Dómaraáætlun fyrir sýninga
Eftirtaldir dómarar dæma tilgreindar hundategundir. Aðrir dómarar sýningar sem hafa tilskilin réttindi eru varadómarar, forfallist dómari sem skráður er á tegund eða fjöldi skráðra hunda gerir það nauðsynlegt

Laugardagur 23. febrúar – Tegundahópar 2, 5, 9 og 10

Tegundahópur 2:
Miniature pinscher: Anna Brankovic (SB)
Miniature schnauzer, allir litir: Anna Brankovic (SB)
Schnauzer, báðir litir: Anna Brankovic (SB)
Giant schnauzer, black: Anna Brankovic (SB)
St. Bernhards: Zoran Brankovic (SB)
 
Tegundahópur 5:
Íslenskur fjárhundur: Daníel Örn Hinriksson (ÍSL)
Siberian husky: Zoran Brankovic (SB)
Pomeranian: Zoran Brankovic (SB)
Samoyed: Zoran Brankovic (SB)
German spitz, miniature: Harto Stockmari (FI)
Finnish lapphund: Harto Stockmari (FI)
 
Tegundahópur 9:
Pekingese: Harto Stockmari (FI)
Poodle, allar stærðir: Harto Stockmari (FI)
French bulldog: Moa Persson (SE)
Cavalier king charles spaniel: Moa Persson (SE)
Papillon: Luis Pinto Texeira (PO)
Russian toy: Luis Pinto Texeira (PO)
Shih tzu: Luis Pinto Texeira (PO)
Tibetan spaniel: Daníel Örn Hinriksson (ÍSL)
 
Tegundahópur 10:
Allar tegundir: Luis Pinto Texeira (PO)
 
 
Sunnudagur 24. febrúar – Tegundahópar 1, 3, 4/6, 7 og 8

Tegundahópur 1:
Shetland sheepdog: Anna Brankovic (SB)
Australian shepherd: Luis Pinto Texeira (PO)
German shepherd dog: Zoran Brankovic (SB)
Bearded collie: Anna Brankovic (SB)
Border collie: Anna Brankovic (SB)
Collie, rough: Anna Brankovic (SB)
Collie, smooth: Anna Brankovic (SB)
 
Tegundahópur 3:
Allar tegundir: Harto Stockmari (FI)
 
Tegundahópur 7:
Allar tegundir: Luis Pinto Texeira (PO)
 
Tegundahópur 8:
Labrador retriever: Moa Persson (SE)

Hundaræktarfélag Íslands hefur um árabil óskað eftir skýringum íslenskra stjórnvalda og rökstuðningi fyrir reglum sem gilda um innflutning hunda og sér í lagi tímalengd fjögurra vikna einangrunarvistun þeirra.
Það var mikill sigur þegar Þorgerður Katrín Gunnarsdóttir, fyrrum landbúnaðarráðherra féllst á að framkvæma nýtt áhættumat, enda félagið haldið því fram að núgildandi áhættumat væri bæði gallað og ennfremur úrelt.  Upphaflega átti nýtt áhættumat að líta dagsins ljós í apríl 2018. 
Félagið hefur grennslast fyrir en engin svör borist.  Þorgerður fylgdi málinu ennfremur eftir í september 2018 með fyrirspurn á Alþingi. Þeirri fyrirspurn svaraði Kristján Þór Júlíusson landbúnaðarráðherra á Alþingi 15. október síðastliðinn. Í svari ráðherra kom fram að vinnan stæði enn yfir en skýrsla ætti að liggja fyrir eigi síðar en í árslok 2018. Nú er komið fram í miðjan janúar og ekkert bólar á áhættumatinu.  Af því tilefni skrifaði félagið bréf til ráðherra og krafðist svara.
 
Afrit af bréfinu má finna hér að neðan.