Á fundi sínum þann 6. febrúar sl. fjallaði stjórn um erindi vinnuhundadeildar um að inngangspunktur vinnuhunda til þátttöku í vinnuhundaflokki á sýningum félagsins og sem uppfylltur vinnuárangur til meistaratitlanna ISCh og CIB yrði 1. einkunn í Hlýðni 1 prófi og 1 einkunn í Spori 1.

Stjórn var algjörlega samstíga um að samþykkja þessa leiðréttingu í ljósi þess að framboð til þátttöku í prófum og aðstoð við þjálfun hefur gjörbreyst undanfarin ár. Við munum því leggja til að frá og með 1. maí 2023 munu kröfur til hunda sem gert er að uppfylla kröfur um vinnupróf verða þannig:
Til að hundur sé skráður í vinnuhundaflokk á sýningum HRFÍ þarf hann að hafa náð 1. einkunn í Hlýðniprófi 1 á vegum HRFÍ (eða hafi staðfestann sambærilegan árangur erlendis) og hlotið 1. einkunn í Sporaprófi 1 (eða hafi staðfestann sambærilegan árangur erlendis).

Vakni efi á því hvort próf erlendis sé sambærilegt prófum og árangri hér á landi, mun erindi verða sent til stjórnar Vinnuhundadeildar því til staðfestingar.