Blog Archives

Framboð til stjórnar Hundaræktarfélags Íslands 2021

31/3/2021

Á næsta aðalfundi félagsins verður kosið um formann félagsins, tvo meðstjórnendur og varamann þeirra. Framboðsfrestur rann út þriðjudaginn 30. mars og eftirfarandi félagsmenn gefa kost á sér:

Í stöðu formanns:
Daníel Örn Hinriksson
Klara Símonardóttir

Í aðalstjórn:
Maríanna Gunnarsdóttir

Í aðalstjórn og til vara í varastjórn:
Guðrún Helga Harðardóttir
Helga Kolbeinsdóttir

Í varastjórn:
Anna María Ingvarsdóttir

Kynningar frambjóðenda verða birtar eigi síðar en 10. apríl næst komandi.
Upplýsingar um fyrirkomulag kosninga utan kjörfundar verða kynntar samhliða auglýsingu um aðalfund.

Auglýsing um framboð til stjórnar

15/3/2021

Á næsta aðalfundi félagsins verður kosið um formann félagsins, tvo meðstjórnendur og varamann þeirra. Til samræmis við 10. gr. laga HRFÍ rennur framboðsfrestur út 30. mars nk. en nöfn frambjóðenda verða tilkynnt á heimasíðu félagsins í beinu framhaldi.

Framboð skal sent stjórn eða skrifstofu félagsins með sannanlegum hætti. Hægt er að senda tölvupóst á netfang stjornar, stjorn@hrfi.is, eða framkvæmdastjóra félagsins gudny@hrfi.is.

Reglur um kjörgengi má nálgast hér.

Vilt þú ræktunardóm á hundinn þinn?

3/3/2021

Við viljum vekja athygli á því að hægt er að fá ræktunardóm á hunda hér á skrifstofu eða á stað sem hentar dómara og eiganda hunds þrátt fyrir að sýningahald hafi ekki verið mögulegt undanfarið. Margar ástæður geta verið fyrir því að fá dóm á hundinn sinn t.d. möguleg pörun eða áhugi á að komast á ræktunarlista/rakkalista deilda.
Hafir þú áhuga á slíku fyrir þinn hund og að því gefnu að dómari hafi réttindi á tegundina hér á landi hvetjum við þig til að hafa samband við skrifstofu en hóflegt gjald sem nemur hvolpagjaldi á sýningu er innheimt fyrir dóminn. Hundurinn þarf að vera orðinn 9 mánaða en ásamt skriflegum dómi fær hundurinn einkunn sem getur einnig innihaldið meistaraefni.

Veiðiprófareglur fyrir standandi fuglahunda

1/3/2021

Í dag taka gildi veiðiprófareglur fyrir standandi fuglahunda sem deildir í tegundahópi 7 hafa unnið við að þýða úr norskum reglum um nokkurt skeið. Stjórn óskar deildunum til hamingju með þennan áfanga. Hér má nálgast reglurnar.

Frestun á gildistöku 10.kafla í reglum um skráningu í ættbók til 1. apríl 2021

1/3/2021

Þann 1. mars átti endurskoðaður 10. kafli reglna um skráningu í ættbók að taka gildi. Kaflinn fjallar um ýmsar heilsufars- og skráningarkröfur sem félagið gerir til hundakynja sem ræktuð eru undir merkjum félagsins. Nokkurn tíma tók að vinna úr þeim ábendingum sem bárust en nú hefur verið farið yfir athugasemdir frá deildum og tengiliðum um ákvæðin og hefur kaflinn tekið nokkrum en þó ekki afgerandi breytingum. Stjórn telur mikilvægt að félagsmenn hafi tækifæri til að kynna sér breytingar sem orðið hafa frá síðustu útgáfu en á síðasta fundi stjórnar var því ákveðið að fresta gildistöku kaflans til 1. apríl 2021. Hér má finna reglur þær sem taka munu gildi 1. apríl 2021.

Framboð til stjórnar Hundaræktarfélags Íslands 2021

Auglýsing um framboð til stjórnar

Vilt þú ræktunardóm á hundinn þinn?

Veiðiprófareglur fyrir standandi fuglahunda

Frestun á gildistöku 10.kafla í reglum um skráningu í ættbók til 1. apríl 2021

Eldri fréttir​

Eldri fréttir