Við minnum á kynningafund um tillögur starfshóps um störf ræktunardeilda í kvöld kl.18.00 á skrifstofu HRFI Síðumúla 15, en hægt verður að fylgjast með fundinum á Skype for business hér: Tengjast netfundi 

Hægt er að tengjast í gegnum tölvu eða snjallsíma, en nauðsynlegt er að ná í forritið og setja það upp. Forritið er frítt (bæði í tölvu og síma) og nokkuð einfalt í uppsetningu og mun þetta verða það forrit sem verður notað framvegis hjá félaginu fyrir samskonar fundi.  Fundurinn hefst kl.18.00 en við mælum með að fólk sem ekki þekkir Skype business tengist inn fyrr til að allt sé örugglega farið að virka þegar fundurinn hefst.  Nauðsynlegt er að vera með hljóðkort og opið fyrir hljóðið til tölvunni til að geta hlustað á fundinn, en þeir sem ekki eru með hljóð geta alltaf fylgst með glærunum. 

Hugmyndin er að netfundargestir geti tjáð sig og tekið þátt í umræðum, en til þess að það sé möguleiki er nauðsynlegt að allir netfundagestir séu á kyrrlátum stað svo umhverfishljóð trufli ekki fundinn. Fundastjóri áskilur sér rétt á að loka fyrir að einstaka eða allir fundagestir geti tjáð sig ef mikil truflun verður á fundinum vegna þessa. 

Nýr starfsmaður Stefanía H. Sigurðardóttir mun hefja störf á skrifstofu 1.maí nk. og ganga í störf Klöru Símonardóttir sem mun fljótlega fara í tíu mánaða leyfi frá störfum.   Við bjóðum Stefaníu velkomna til starfa.  

​Netfangið hennar verður stefania@hrfi.is 

Starfshópur um starf ræktunardeildar hefur skilað inn tillögum um breytingar á starfsreglum ræktunardeilda og  í kjölfarið sameiningu nokkurra deilda.  Stjórn HRFÍ hefur fjallað um tillögurnar og kynnt þær fyrir þeim deildum sem koma við sögu í fyrsta áfanga breytinganna og að auki fyrir fulltrúaráði félagsins. 
Stjórn félagsins boðar til almenns félagsfundar 27. apríl kl. 18:00 á skrifstofu félagsins Síðumúla 15 þar sem þessar tillögur verða kynntar og ræddar.
Ákvörðun um að leggja niður deildir eða stofna nýjar verða lögum samkvæmt aðeins teknar á aðalfundi félagsins og þurfa slíkar breytingar aukinn meirihluta atkvæða fundarmanna (tvo þriðju atkvæða). 

Susanne Mølgaard Kaarsholm frá Danmörku mun koma og augnskoða fyrir félagið dagana 19.-21.maí nk.  Susanne mun augnskoða á Akureyri á fimmtudeginum 19.maí og á skrifstofu HRFI Síðumúla 15, 108 Reykjavík 20.-21.maí.  

Tímapantanir í augnskoðun fara fram á skrifstofu HRFÍ. Gefa skal upp ættbókarnúmer hunds og ganga frá greiðslu um leið og hundur er skráður.

Síðasti skráningardagur í augnskoðun er miðvikudagurinn 4. maí.

Augnskoðun hunda kostar 6100 fyrir virka félagsmenn.  Hundaeigendur, sem ekki eru félagsmenn í HRFÍ, en með hunda í ættbók HRFÍ, geta skráð sig í augnskoðun gegn hærra gjaldi þ.e. kr. 12.200. Hundar virkra félagsmanna ganga fyrir í augnskoðun.

Það er skylda hjá fjölmörgum hundategundum að niðurstaða augnskoðunar liggi fyrir hjá undaneldisdýrum fyrir pörun. Vinsamlegast kynnið ykkur sérreglur ræktundardeilda fyrir „ykkar" hundategund.

Dýralæknirinn augnskoðar hunda með tilliti til arfgengra sjúkdóma sem finnast í fjölmörgum hundategundum.

Úr lögum HRFÍ
•Áður en hundur er augnskoðaður, mjaðma- og/eða olnbogamyndaður, skal hann örmerktur (húðflúr). 
•Auk þess skulu hundar sem taka þátt í viðburðum á vegum félagsins t.d. sýningum, veiði- hlýðni og sporaprófum svo og skapgerðarmati, einnig vera örmerktir (húðflúr). 
•Þetta ákvæði gildir fyrir alla hunda, óháð fæðingardegi. 

Í Hundaræktarfélagi Íslands er laust til umsóknar tímabundið 80% starf á skrifstofu, með möguleika á framtíðarstarfi.  
Helstu verkefni:
Starfsmaðurinn mun sjá um almenn skrifstofustörf, umskráningu á erlendum ættbókum, útgáfu ættbóka, halda utan um heilsufarsupplýsingar og sinna ýmsum minni verkefnum sem upp koma í daglegum rekstri.

​Menntunar- og hæfniskröfur

• Þekking á félaginu er nauðsynleg og þekking á ræktun er plús
• Góð kunnátta í töflureikni og færni í helstu notendaforritum.
• Skipulögð og sjálfstæð vinnubrögð
• Frumkvæði og metnaður til að sýna árangur í starfi.
• Gott vald á íslensku og ensku í ræðu og riti.

 
Um 80% starf er að ræða í 10.mánuði frá og með byrjun maí. Nánari upplýsingar veitir Fríður Esther Pétursdóttir framkvæmdastjóri, fridur@hrfi.is

Umsóknarfrestur er til og með 18. apríl 2016 og skal umsóknum skilað á netfang framkvæmdastjóra, fridur@hrfi.is  merkt „Skrifstofa HRFI“ Umsóknum skulu fylgja ítarlegar starfsferilskrár og kynningarbréf.

Í Hundaræktarfélagi Íslands er laust til umsóknar 15-20% tímabundið starf á skrifstofu með möguleika á framlenginu.  Starfið lýtur að færslu bókhalds og getur hentar sem aukavinna þar sem viðvera starfsmanns getur verið samkomulagsatriði.

Helstu verkefni:
Starfsmaður hefur umsjón með bókhaldi félagins, en félagið notar viðskiptahugbúnaðinn Reglu.
Helstu verkefni eru merking og skráning reikninga sem og uppgjör og afstemmingar ýmis konar tengd bókhaldi og önnur tilfallandi störf á skrifstofu.

Um tímabundið hlutastarf í 10.mánuði er að ræða frá og með byrjun maí. Nánari upplýsingar veitir Fríður Esther Pétursdóttir framkvæmdastjóri, fridur@hrfi.is
​
Umsóknarfrestur er til og með 18. apríl 2016 og skal umsóknum skilað á netfang framkvæmdastjóra, fridur@hrfi.is merkt "Bókhald HRFI" umsóknum skulu fylgja starfsferilskrár og kynningarbréf.