Nú er komið að tvöföldu sýningunni okkar 10.-11. júní! Sýningarnar (Reykjavík Winner og alþóðlega sýning) fara fram á Víðistaðatúni í Hafnarfirði. Dæmt verður í 13 hringjum báða daga sem hefjast kl. 9.  
Á sýningunni eru 1040 hundar skráðir á laugardag ásamt 32 ungum sýnendum og 1030 hundar skráðir á sunnudag ásamt 24 ungum sýnendum. Dómarar að þessu sinni verða Anita Duggan (Írland), Barbara Müller (Sviss), Charlotta Melin (Svíþjóð), Daníel Örn Hinriksson (Ísland), Dimitris Antonopoulos (Svíþjóð), Herdís Hallmarsdóttir (Ísland), Jørgen Hindse (Danmörk), Laurent Pichard (Sviss), Ozan Belkis (Tyrkland),  Sóley Halla Möller (Ísland), Terje Lindstrøm (Noregur) og Þórdís Björg Björgvinsdóttir (Ísland).​
Hér að neðan má sjá dagskrá sýningarinnar og PM, ásamt dagskrá úrslita. Birt með fyrirvara um villur og breytingar.

ATH Dagskrár uppfærðar 9. júní vegna forfalls dómara. Rauðlituð tegundaheiti eru tegundir sem hafa verið færðar á nýja dómara.

Nú styttist í næstu augnskoðun og um að gera að skrá sem fyrst því síðasti skráningadagur er 9. júní.
Augnskoðun fer fram í Sólheimakoti fyrir hunda skráða á höfðuborgarsvæðinu, en á Akureyri er hún í Dýraspítalanum Lögmannshlíð.

Við minnum einnig á að þeir sem eru ekki búnir að greiða augnskoðunina að gera það sem fyrst því þeir sem eru með ógreitt verða afskráðir.

Því miður er allt orðið fullt í augnskoðun alla daga

22. júní - fimmtudagur AK - FULLT
22. júní - fimmtudagur RVK - FULLT
23. júní - föstudagur - FULLT
24. júní - laugardagur - FULLT

Kæru félagsmenn,
Júnísýningar félagsins voru skipulagðar miðað við hámark 1000 skráningar pr. sýningu, enda töldum við ólíklegt að skráningar færu yfir það á þessum tíma árs. Því marki var hins vegar náð um kl. 13 í dag og lokaðist skráning þá sjálfkrafa í kerfi, eins og hún átti að gera.
Möguleiki gafst á að bæta íslenskum dómara við með engum fyrirvara og erum við þakklátar Sóleyju Höllu Möller fyrir að samþykkja að bætast í dómarahópinn. Við höfum því aukið svigrúm upp á um 80 hunda hvorn dag og af því tilefni hefur sýningastjórn ákveðið að opna skráningu aftur og framlengja skráningafrest til kl. 15 á morgun, mánudaginn 15. maí.
Það þýðir einnig að dómaraáætlun breytist eitthvað og hefur uppfærð áætlun verið birt hér.

Með von um góðar undirtektir,
Sýningastjórn

Þá ættir þú að bjóða þig fram til nefndarstarfa! 

Eitt af fyrstu verkum nýrrar stjórnar er að skipa í fastanefndir félagsins auk annarra nefnda. Allir félagsmenn geta boðið sig fram til starfa og eru eindregið hvattir til að gefa kost á sér þar sem þeir vilja hafa áhrif og vinna að framgangi mála í starfi félagsins. Hér er að sjá yfirlit yfir nefndir félagsins.  
​
​​Áhugsamir eru hvattir til að senda tölvupóst á netfangið stjorn@hrfi.is.