Laugardaginn 10. október mun Hundaræktarfélag Íslands standa fyrir árlegri göngu með hunda niður Laugaveginn í Reykjavík. 
Lagt verður af stað frá Hlemmi kl. 13. 
Gangan mun svo enda í Hljómskálagarðinum.

Á nóvembersýningu félagsins ár hvert heiðrar Hundaræktarfélagið afreks- og þjónustuhunds ársins.
​Félagið óskar eftir tilnefningum og geta félagsmenn sem og aðrir geta sent þær á hrfi@hrfi.is

Hvolpasýning og keppni ungra sýnenda
Öflugt barna- og unglingastarf er starfrækt innan félagsins og að þessu sinni taka 23 ungmenni þátt í keppni ungra sýnenda, föstudagskvöldið 18. sept kl.18:00 í Víðidal. Dómari í þeirri keppni er Svava Arnórsdóttir frá Íslandi.  

Á sama stað verður hvolpakeppni HRFI, en alls keppa 113 hvolpar af 33. tegundum.  Dómarar eru Daníel Örn Hinriksson og Sóley Möller frá Íslandi.

Alþjóðleg sýning
Helgina 18. – 20. september mæta 546 hreinræktaðir hundar af 77 hundategundum í dóm á alþjóðlegri hundasýningu Hundaræktarfélags Íslands. Sýningin er haldin í reiðhöllinni í Víðidal og hefjast dómar kl. 10:00 árdegis báða daga og standa fram eftir degi. Áætlað er að úrslit á báða hefjast um kl. 15:00 og þá kemur í ljós hvaða hundar bera af að mati dómara. Megintilgangur hundasýninga er að meta hundana út frá ræktunarmarkmiði hvers kyns og leiðbeina ræktendum þannig í starfi sínu.

Fimm dómarar frá fimm löndum; Danmörku, Svíþjóð, Rússlandi, Pólandi og Noregi dæma í fimm sýningarhringjum samtímis.
 
Gestum gefst kostur á að kynnast hundum og ræða við hundeigendur og sýnendur, auk þess sem á staðnum er fjöldinn allur af sölu- og kynningabásum þar sem ýmis tilboð verða í gangi. 

Ungmennadeild verður með sjoppusölu á fyrstu hæð báða dagana .  

Eftir langar og opinskáar umræður um áskoranir í samtökunum, ákvað aðalfundur Evrópuhluta FCI (FCI Europe Section, General Assembly) á fundi sínum í Osló þann 7. september 2015 eftirfarandi:

Fundurinn leggur til við stjórn FCI (General Committee) að hún setji á laggirnar starfsnefnd er verði falin eftirfarandi þrjú verkefni:

1. Að tryggja að regluverk FCI endurspegli andstöðu við illa meðferð á hundum og áherslu velferð hunda.

2. Að setja fram tillögu að breytingum á atkvæðavægi og áhrifum aðilarfélaga FCI.

3. Að endurskoða regluverk FCI í þeim tilgangi að færa það nær nútímanum og auka skýrleika og gagnsæji réttinda og skyldna.

Forseti FCI, Hr. Rafael de Santiago, var gestur aðalfundar Evrópuhlutans og tók við yfirlýsingunni fyrir hönd stjórnar FCI. Hann staðfesti að stjórn FCI mun setja slíka starfsnefnd á laggirnar eins fljótt og auðið er. 

Jafnframt er hægt að skoða fréttablaðið í PDF upplausn hér.