Fyrirhugað er að halda próf í fjáreðli dagana 4. til 5. nóvember 2017. 
Ef tíðarfar verður ekki hagstætt verður prófið haldið helgina á eftir, þann 11. til 12. nóvember.
Fjáreðlisprófið fer fram að Skála Grímsnesi.
Dómari verður María Dóra Þórarinsdóttir.
Áhugasamir vinsamlegast hafið samband við Guðrúnu S.Sigurðardóttur - hugsyn@gmail.com 
Frekari upplýsingar um prófið er hægt að nálgast hér: 
http://www.australianshepherd-iceland.net/smalaeethli-proacutef---herding-instinct-test-hit-auethkenni.html

Fjár og hjarðhundadeild

​
​

Þann 6. september sl. funduðu formaður HRFÍ og formaður laganefndar félagsins með Þorgerði Katrínu Gunnarsdóttur sjávarútvegs og landbúnaðarráðherra.  Á fundinum samþykkti ráðherra að nýtt áhættumat yrði gert varðandi innflutning gæludýra þ.m.t. hunda. Samkvæmt upplýsingum er nýtt áhættumat í farvegi þrátt fyrir sviptingar á sviði stjórnmálanna og mun því nýtt áhættumat líta dagsins ljós eftir að sú vinna hefur farið fram.  Eftir nokkurra ára baráttu í einangrunarmálum fagnar Hundaræktarfélagið ákvörðun Þorgerðar Katrínar eindregið enda það mat sem stuðst er við núna löngu úr sér gengið. ​

Matvælastofnun sendi bréf til félagsins kl 17 í dag, fimmtudag 14. september og óskaði eftir því að Hrfí upplýsti félagsmenn sína um neðangreint ákvæði í reglugerð um velferð gæludýra:
“8. gr. Þjálfun, keppni og útbúnaður.
Við þjálfun, keppni, vinnu til gagns og sýningar skal þess gætt að ofbjóða ekki þoli og þreki dýrs. Verja skal dýr fyrir óþarfa áreiti og koma skal í veg fyrir aðstæður sem gætu valdið óþarfa ótta, óþægindum eða skaða. Fyrir vinnu, keppni og sýningar skal gæta þess að dýr hafi hlotið viðeigandi þjálfun og undirbúning. Gæta skal þess að hávaði á keppnis-, vinnu- eða sýningarsvæði dýra fari að jafnaði ekki yfir 65 dB. Ekki skal nota lasburða eða veik dýr, eða dýr sem komin eru að goti eða með mjög ung afkvæmi við þjálfun, keppni, sýningu eða vinnu til gagns.
Óheimilt er að nota hvers konar tæki eða tól, eða beita þau dýr sem þjálfa skal, neinum þeim aðferðum eða þvingunum, sem valda þeim sársauka eða hræðslu. Notkun, sala og dreifing á hvers konar útbúnaði sem gefa dýri rafstuð eða valda verulegum óþægindum er bönnuð. Óheimilt er að nota ósýnilegt rafgerði fyrir gæludýr. Notkun, sala og dreifing á hálsólum með gadda eða hvassa kanta innan á ól er bönnuð. Hálsól skal vera úr slíku efni og þannig gerð að hún geti ekki herst að hálsi eða skaðað dýrið á annan hátt.“
 
Matvælastofnun kýs að gera athugasemd við notkun óla sem geta herst ótakmarkað að hálsi dýrsins og telur stofnun að notkun slíkra óla samræmist ekki 8. gr. reglugerðar.  Stofnunin bendir á að samkvæmt 37. gr. laga um velferð dýra er stofnuninni heimilt að leggja hald á slíkan búnað. Til að hálsólar og sýningaólar hunda séu ekki af þeirri gerð sem eru af stofnuninni metnar andstæðar velferð dýra, þarf að þeirra mati að tryggja að á ólunum sé stoppari svo ólin geti ekki herst um of að hálsi dýrsins.
Matvælastofnun bendir félagsmönnum Hrfí á, að búast megi við að aukið eftirlit verði með ákvæðum laga og reglugerðar um velferð gæludýra og að þeim ákvæðum verði framfylgt.
 
Félagið kemur þessum skilaboðum hér með á framfæri.

Hér fyrir neðan eru upplýsingar (PM/Promemoria) um dagskrá allra hringja bæði á hvolpasýningunni 15. setpember og á alþjóðlegu sýningu félagsins 16.-17. september n.k. og fjölda skráðra hunda í tegund/flokkum svo sýnendur sérstaklega í fjölmennum tegundum eigi betra með að átta sig á fjölda hunda á undan sér í dómhring.

Sýningastjórn birtir ekki lengur áætlaða tímasetningu þar sem það er mjög misjafnt hvað dómarar eru lengi að dæma, en almennt má gera ráð fyrir 15-25 hundum pr. klst.  Það er alfarið á ábyrgð sýnanda að vera komin tímanlega.

Sjá dagskrá sýningar hér.