Nú líður að síðustu sýningu ársins sem verður stórglæsileg Winter Wonderlands sýning sem verður haldin helgina 23.-25. nóvember í reiðhöll Fáks í Víðidal.
Föstudaginn 23. nóvember verður hvolpasýning Royal Canin og keppni ungra sýnenda haldin.
Laugardaginn 24. nóvember og sunnnudaginn 25. nóvember verður NKU Norðurlandasýning og Crufts Qualification sýning.
Dómarar helgarinnar verða: Elina Haapaniemi (Finnland), Eva Nielsen (Svíþjóð), Kari Granaas Hansen (Noregi), Leif Herman Wilberg (Noregi) og Juha Kares (Finnland).
Dómari í keppni ungra sýnenda verður Louise Dufwa frá Svíþjóð.

Búið er að opna fyrir skráningu á sýninguna og eru skráningafrestir eftirfarandi:
Gjaldskrá 1: 12. október
Gjaldskrá 2: 26. október
Umsóknir um meistaratitla, ættbókarskráningar, eigendaskipti, umskráningar á erlendum ættbókum, þurfa að hafa borist félaginu ásamt öllum viðeigandi gögnum í SÍÐASTA LAGI 12. OKÓTBER til þess að tryggja að skráning náist.

Skráningar á sýningar HRFÍ fara aðeins fram á skrifstofu HRFÍ eða í gegnum síma. Skrifstofa HRFÍ er opin virka daga frá kl. 10-15. Álag er á símanum síðustu skráningardaga og því eru félagsmenn hvattir til þess að vera tímanlega í skráningu. Ekki er tekið við skráningum sem berast eftir síðasta skráningadag.

Til þess að geta skráð þarf að gefa upp nafn hundsins í ættbók eða kennitölu skráðs eiganda og greiðsla þarf að fylgja skráningu. Aðeins er tekið við skráningum á hundum virkra félagsmanna (þ.e. þeirra sem hafa greitt árgjald félagsins), hægt er að ganga frá greiðslu árgjalds á sama tíma og skráð er á sýningu en ekki er hægt að greiða síðar.
Hægt er að greiða með reiðufé og öllum helstu kortum á skrifstofu. Hægt er að greiða með öllum helstu kreditkortum í gegnum síma ásamt nýlegum debetkortum. Nauðsynlegt er að hafa kortanúmer, gildistíma og öryggisnúmer eigi að greiða í gegnum síma.

Ekki er í boði að millifæra fyrir sýningagjöldum og skráningar eru ekki teknar gildar ef greiðsla fylgir ekki.

Augnskoðun verður haldin í tengslum við sýninguna, sjá nánar hér.

​
Dómaraáætlun
Eftirtaldir dómarar dæma tilgreindar hundategundir. Aðrir dómarar sýningar sem hafa tilskilin réttindi eru varadómarar, forfallist dómari sem skráður er á tegund eða fjöldi skráðra hunda gerir það nauðsynlegt

Laugardagur 24. nóvember: Tegundahópar 1, 3, 7, 8 og 10
 
Tegundahópur 1:
Australian shepherd: Elina Haapaniemi
Bearded collie: Elina Haapaniemi
Border collie: Elina Haapaniemi
Briard: Elina Haapaniemi
German shepherd dog, báðar felgerðir: Leif Herman Wilberg
Shetland sheepdog: Leif Herman Wilberg
Welsh corgi Pembroke: Leif Herman Wilberg
 
Tegundahópur 3:
Australian silky terrier: Juha Kares
Bedlington terrier: Juha Kares
Irish soft coated wheaten terrier: Juha Kares
West highland white terrier: Juha Kares
Yorkshire terrier: Juha Kares
 
Tegundahópur 7:
Allar tegundir: Juha Kares
 
Tegundahópur 8:
American cocker spaniel: Kari Granaas Hansen
English cocker spaniel: Kari Granaas Hansen
English springer spaniel: Kari Granaas Hansen
Golden retriever: Eva Nielsen
Labador retriever: Eva Nielsen
 
Tegundahópur 10:
Allar tegundir: Kari Granaas Hansen
 

Sunnudagur 25. nóvember: Tegundahópar 2, 4/6, 5 og 9
 
Tegundahópur 2:
Giant schnauzer, black: Elina Haapaniemi
Miniature schnauzer, allir litir: Elina Haapaniemi
Rottweiler: Elina Haapaniemi
Schnauzer, báðir litir: Elina Haapaniemi
 
Tegundahópur 4/6:
Allar tegundir: Eva Nielsen
 
Tegundahópur 5:
Finnish lapphund: Leif Herman Wilberg
Íslenskur fjárhundur: Leif Herman Wilberg
Pomeranian: Kari Granaas Hansen
Siberian husky: Kari Granaas Hansen
 
Tegundahópur 9:
Bichon frise: Kari Granaas Hansen
Cavalier king Charles spaniel: Eva Nielsen
Chihuahua, báðar feldgerðir: Kari Granaas Hansen
Lhasa apso: Juha Kares
Little lion dog: Juha Kares
Papillon: Juha Kares
Phaléne: Juha Kares
Poodle, allar stærðir: Juha Kares
Pug: Kari Granaas Hansen
Russian toy, báðar feldgerðir: Kari Granaas Hansen
Shih tzu: Juha Kares
Tibetan spaniel: Eva Nielsen
Tibetan terrier: Eva Nielsen

Á dögunum samþykkti Stjórn HRFÍ nýjar reglur um menntun dómara í tegundahópi 7.  Vinna hefur staðið í nokkur ár, en það voru þau Herdís Hallmarsdóttir og Svafar Ragnarsson sem leiddu vinnuna. Við samningu reglnanna var litið til gildandi reglna í Noregi en auk þess leitað leiða til að fá aðstoð dómara frá Noregi. Samráð var haft við deildir innan tegundahóps 7 á meðan á vinnunni stóð.  Skipulag og framkvæmd menntunar samkvæmt reglunum er í höndum dómaranefndar en þess utan fá nemendur leiðbeinanda sem fylgir nema og er honum til leiðbeiningar í náminu.  Með það að markmiði að auka þátttöku er opnað á þann möguleika að skipta náminu niður.  Þannig er í dag boðið uppá að hefja dómaranám í annaðhvort sæki- eða vettvangsvinnu ef nemar vilja það frekar en læra á hvorutveggja sem áður var skylda. 

Leitað var leiðsagnar og aðstoðar Norska Hundaræktarfélagsins (NKK) og óskað eftir að fá aðstoð Fuglahundaklúbbsins ytra.  Frændur okkar ytra tóku jákvætt í samstarf og samþykktu að taka þátt í að ýta undir og styrkja menntun íslenskra fuglahundadómara. Bauðst FKF til að reyndur norskur dómari Andreas Bjørn  myndi taka sæti í dómaranefndinni, sem mun sjá um námið og töldu þeir farsælast að einn aðili frá FKF myndi bera ábyrgð sem tengiliður NKK við íslenska námið amk til að byrja með.  Þess utan verður hægt að leita til FKF um að fá norska fuglahundadómara til að taka að sér að vera leiðbeinendur nema í náminu.  Með tilkomu dómaranefndar og leiðbeinenda er það von Hrfí að haldið verði vel utan um þá dómaranema sem hafa áhuga á og eru tilbúnir að skuldbinda sig í náminu.  Til samræmis við framboðna aðstoð FKF skipaði Stjórn Hrfí Andreas Bjørn í dómaranefnd en hann var einn þeirra sem deildirnar höfðu tilnefnt.  Þá eru Egill Bergmann og Svafar Ragnarsson skipaðir í nefndina af dómararáði.
 
NKK og FKF eiga miklar þakkir skildar fyrir að vilja leggja Hundaræktarfélaginu og deildum í tegundahópi 7 lið og mun reynsla þeirra og aðkoma gefa möguleika sem ekki voru áður fyrir hendi.
Það er von félagsins að nýsamþykktar reglur og samstarfið við NKK/FKF muni koma til með að efla menntun dómara í tegundahópi 7 sem og ýta undir fjölda þeirra sem stunda námið.
Reglurnar má finna hér

Augnskoðun fer fram á skrifstofu félagsins Síðumúla 15, 108 Reykjavík. 13.-15.september nk. 
Jens Knudsen frá Danmörku mun koma og augnskoða fyrir félagið.

Við viljum minna félagsmenn sem eru að koma með hundana sína í augnskoðun að ganga snyrtilega um skrifstofu félagsins og ekki leyfa hundum að merkja innandyra né við inngang.
Gott er að koma með rakkabindi fyrir þá hunda sem eru gjarnir á að merkja inni.
Einnig viljum við minna á að passa bil milli hunda meðan þeir bíða eftir sínum tíma. 
Eftir augnskoðunina eru augu hundsins viðkvæm fyrir birtu svo ekki er ráðlagt að þeir séu í mikilli sól eða birtu, best er að geyma lengri göngutúra eftir augnskoðunina þangað til daginn eftir.

Við biðjum þá sem eru að mæta með hundana sína í skoðun að mæta um 10-15 mínútum fyrir tímann sinn svo hægt sé að setja augndropa í hundana fyrr til þess að allt gangi sem best og við náum að halda tíma áætlun. 
Hægt er að hafa samband við skrifstofu í síma 588-5255 eða senda póst á hrfi@hrfi.is ef einhverjar aðrar spurningar vakna.