Blog Archives

Augnskoðun - Viðbótardagur - FULLT

19/9/2023

ATH. Fullt er orðið í augnskoðun.

Dagsetningar augnskoðana fyrir árið 2024 hafa enn ekki verið staðfestar en verða auglýstar um leið og það hefur verið gert.

Stutt er í næstu augnskoðun og fylltust dagarnir 12. og 13. október gríðarlega hratt. Brugðist var við og bætt við einum degi, 14. október. Þeir sem voru komnir á biðlista hafa fengið sín pláss en fá pláss eru eftir.

Ógreidd pláss verða afskráð 25. september.

Októbersýning - dagskrá - uppfært 27.9.23

19/9/2023

Það styttist í alþjóðlegu sýningu félagsins í október sem haldin verður helgina 7.-8. október í reiðhöll Spretts í Kópavogi.
Á sýninguna eru skráðir tæplega 1.100 hundar, auk 34 ungra sýnenda. Dæmt verður í sjö hringjum báða daga og hefjast dómar að venju kl. 9.
Dómarar að þessu sinni verða Auður Sif Sigurgeirsdóttir (Ísland), Elisabeth Spillman (Svíþjóð), Fabrizzio La Rocca (Ítalía), Gerard Jipping (Holland), Maija Mäkinen (Finnland), Moa Persson (Svíþjóð) og Tatjana Urek (Slóvenía).
Hér að neðan má sjá dagskrá sýningar, PM og dagskrá úrslita með hefðbundnum fyrirvara um villur og breytingar.

Uppfært 27.09.2023: Vegna óviðráðanlegra aðstæðna hefur Fabrizzio La Rocca þurft að afboða komu sína í október, í hans stað höfum við fengið Refet Hadzic til að stíga inn í, og við þökkum honum kærlega fyrir. Dagskrá og PM hefur verið uppfært í samræmi við þessar breytingar.

Dagskrá - Laugardagur 7. október
File Size:	562 kb
File Type:	pdf

Download File

Dagskrá - Sunnudagur 8. október
File Size:	566 kb
File Type:	pdf

Download File

PM hringja - 7.-8. október
File Size:	92 kb
File Type:	pdf

Download File

Dagskrá úrslita
File Size:	102 kb
File Type:	pdf

Download File

Hvolpasýning 4. nóvember

16/9/2023

HRFÍ heldur hvolpasýningu fyrir allar tegundir í samstarfi við félag sýningadómara HRFÍ, laugardaginn 4. nóvember í reiðhöll Fáks í Víðidal.
Sýningin er fyrir hvolpa á aldrinum 3-9 mánaða og keppt verður í tveimur flokkum: 3-6 mánaða og 6-9 mánaða.
Allir hvolpar fá skriflega umsögn ásamt því að bestu hvolpar tegundar og sýningar fá fallega rósettu.

Skráningu á www.hundavefur.is lýkur föstudaginn 27. október kl. 15.00. Skráning kostar 3.500 kr.

Sýningin er skemmtileg æfing fyrir hvolpa, sýnendur og dómara! Vonumst til að sjá sem flesta

Básar á októbersýningu - Uppfært!

5/9/2023

Því miður er búið að loka fyrir umsóknarferlið þar sem fullt er orðið í alla bása. Við hlökkum mikið til að hafa alla þessa flottu bása - sjáumst hress á sýningu!

Nú er opið fyrir umsóknir á básum á október sýningu HRFÍ. Eingöngu eru 6 pláss af stærðinni 3m x 3m (9fm) til leigu. Skilafrestur umsókna er 29. september.

Hér að neðan er umsóknin, vinsamlegast fyllið hana út og sendið á silja@hrfi.is

umsókn sölubás á innisýningu 2023.pdf
File Size:	27 kb
File Type:	pdf

Download File

Ræktendanámskeið með Natalju Skalin 15. október - skráning hafin - Uppfært

1/9/2023

Námskeiðið verður haldið í húsnæði HRFÍ að Melabraut 17, 220 Hafnarfjörður (innangengt er frá Suðurbraut)
Námskeiðið hefst kl 13:00

Ræktendanámskeið verður haldið þann 15. október næst komandi og fyrirlesari að þessu sinni er Natalja Skalin. Námskeiðið er opið félagsmönnum HRFÍ og kostar 15.000 kr.

Við fögnum því að fá Natalju sem fyrirlesara, enda hefur hún góða reynslu á öllum þeim sviðum sem viðkoma ræktun hunda. Hún er sjálf ræktandi, dýralæknir og FCI viðurkenndur sýningadómari.

Natalja er frá Litháen, þar sem hún ræktaði undir ræktunarnafninu Fantazija, en síðan 2012 hefur hún verið búsett í Svíþjóð og ræktar undir ræktunarnafninu Skabona sem hún á ásamt eiginmanni sínum Bo Skalin. Hún hefur ræktað og átt yfir 70 meistara af tegundunum Rough Collie, Sheltie, dverg Schnauzer og Chihuahua, þar með talið Crufts sigurvegara, heimsmeistara og Evrópumeistara.

Natalja er alhliða sýningadómari, þ.e.a.s. hún dæmir allar tegundir. Hún er með sína eigin dýralæknastofu og er sérfræðingur í æxlun hunda. Hún er meðlimur í ræktunarnefnd sænska Collie-klúbbsins og var formaður ræktunarnefndar Litháenska hundaræktarfélagsins.

Á námskeiðinu verður farið yfir:
• Upprifjun á kyn-/æxlunarfræði
• Greining eggloss, ákjósanlegasti tími pörunar
• Tæknifrjóvgun
• Meðganga og fæðing
• Vandamál við og eftir fæðingu
• Umönnun nýfæddra hvolpa

Hvernig skrái ég mig?
Millifærir kr. 15.000 inn á reikning HRFÍ, nafn þess sem er að skrá sig í skýringu og prentar kvittun á PDF.
Sendir tölvupóst á hrfi@hrfi.is með "Ræktendanámskeið með Natalja Skalin, 15.10.2023" í efni/subject, skrifar nafn, kennitölu og símanúmer þess sem er að skrá sig í tölvupóstinn og sendir kvittunina með í viðhengi.
Reikningsnúmer félagsins: 0515-26-707729, kennitala: 680481-0249

Vonumst til að sjá sem flesta!

Augnskoðun - Viðbótardagur - FULLT

Októbersýning - dagskrá - uppfært 27.9.23

Hvolpasýning 4. nóvember

Básar á októbersýningu - Uppfært!

Ræktendanámskeið með Natalju Skalin 15. október - skráning hafin - Uppfært

Eldri fréttir​

Eldri fréttir