Fjölbreytt starf fyrir fjölhæfan starfsmann

Hjá Hundaræktarfélagi Íslands er laust til umsóknar 100% starf á skrifstofu félagsins.
Starfsmaðurinn, sem leitað er að mun koma að flestum þeim verkefnum sem skrifstofa félagsins hefur á sinni könnu í náinni samvinnu við framkvæmdastjóra og aðra starfsmenn. Þannig felur starfið meðal annars í sér almenn skrifstofustörf, undirbúning og framkvæmd viðburða (t.d. hundasýninga), umskráningu erlendra ættbóka, útgáfu ættbóka og annað sem til fellur. Félagið er í örum vexti og eru fjölmörg spennandi verkefni framundan. 

Við leitum að einstaklingi sem;  

• er skipulagður og áreiðanlegur
• býr yfir góðri tölvuþekkingu og á auðvelt með að tileinka sér nýjungar 
• hefur ríka þjónustulund og á auðvelt með samskipti
• hefur gott vald á íslensku og ensku í ræðu og riti
• hefur frumkvæði og getur tekið ábyrgð
• kann vel við og getur umgengist hunda
  ​

Umsóknarfrestur er til og með 20. júní 2021 og skal umsóknum skilað á netfangið gudny@hrfi.is merkt „Skrifstofa HRFÍ“.  Umsóknum sal fylgja starfsferilskrá og kynningarbréf.