​Aðalfundur Hundaræktarfélags Íslands verður haldinn miðvikudaginn 15. maí 2019 í hátíðarsal Verslunarskóla Íslands, bláa sal og hefst kl. 20:00.

Dagskrá:
1.   Skipan fundarstjóra, fundarritara og lögmæti fundarins kannað
2.   Skýrsla stjórnar HRFÍ
3.  Ársreikningar félagsins ásamt skýrslum löggilts endurskoðanda og félagskjörinna skoðunarmanna fyrir             síðastliðið ár, lagðir fram til staðfestingar
4.   Skýrsla um starfsemi siðanefndar
5.   Starfs- og fjárhagsáætlun stjórnar samþykkt fyrir næsta starfstímabil
6.   Lagabreytingar
7.   Kosning formanns og stjórnarmanna skv. 10.gr laga félagsins.
8.   Kosning tveggja félagskjörinna skoðunarmanna og tveggja til vara 
9.   Kosning siðanefndar 
10. Önnur mál

Kosningarétt og kjörgengi á fundinum hafa þeir sem borgað hafa félagsgjald sitt fyrir 2019, að lágmarki fimm virkum dögum fyrir fundinn.  Greiðsluseðlar vegna félagsgjalds 2019 voru sendir til félagsmanna í lok árs 2018. Þá er hægt að hafa samband við skrifstofu til að ganga frá greiðslu.

Í framboði í stjórnarkjöri eru:
Formaður: Herdís Hallmarsdóttir
Aðalstjórn: Guðrún Helga Harðardóttir, Heiðar Sveinsson, Mekkín Gísladóttir og Svava Björk Ásgeirsdóttir
Varastjórn:  Damian Krawzcuk, Guðni B. Guðnason, Guðrún Helga Harðardóttir, Mekkín Gísladóttir og Svava Björk Ásgeirsdóttir.

Endurskoðaðir reikningar munu liggja frammi á skrifstofu félagsins 5 dögum fyrir aðalfund og jafnframt sendir öllum félagsmönnum á tölvupóstlista.

Erindi sem fundarmenn vilja bera undir fundinn undir liðnum önnur mál skulu vera skrifleg og hafa borist stjórn HRFÍ fimm dögum fyrir aðalfund.  Slíkar tillögur um önnur mál liggja frammi á skrifstofu og á heimasíðu félagsins næsta virka dag eftir að þær berast. 

Stjórn Hundaræktarfélags Íslands

Áhættumat sem dr. Preben Willeberg, fyrrum yfirdýralæknir Danmerkur, vann fyrir Atvinnuvega- og nýsköpunarraðuneytið, staðfestir réttmæta gagnrýni HRFÍ á núgildandi reglur um innflutning hunda. Af lestri áhættumats Willeberg má draga þá ályktun að lítil áhætta felist í að viðurkenna gæludýravegabréf a.m.k. frá Bretlandi og Norður Evrópu, þaðan sem meirihluti innfluttra hunda koma. Engin vísindaleg rök virðast búa að baki núverandi kröfu um fjögurra vikna einangrunarvistun hunda.
 
Í skýrslunni vitnar Willeberg til nýlegra reglna í Nýja Sjálandi og Ástralíu sem dæmi um einangruð lönd sem eru með strangar reglur um innflutning hunda.  Telur hann eðlilegt að íslensk stjórnvöld líti til þessara landa við endurskoðun reglna hér á landi. 
 
Willeberg bendir m.a. á, að áhættan er mismunandi eftir innflutningslöndum og kemst að þeirri niðurstöðu að hún sé til að mynda mjög lítil ef hundur kemur frá Norður Evrópu eða Bretlandi. Þá bendir hann á að íslensk stjórnvöld geti gripið til mismunandi úrræða m.a. eftir því hvaðan hundur er að koma til landsins.
 
HRFÍ hvetur íslensk stjórnvöld að endurskoða regluverkið og hafa að leiðarljósi vísindaleg rök. Með því væri tryggt að málefnaleg sjónarmið væru lögð til grundvallar íþyngjandi ákvörðunum og að ekki yrði gengið lengra en nauðsyn krefur. 
Hér má finna skýrslu dr. Willeberg 

​Næsta hringstjóra- og ritaranámskeið verður haldið 6. og 7. maí nk. kl. 18-22 á skrifstofu HRFÍ fáist næg þátttaka.

Á námskeiðinu er farið bæði í skriflegar æfingar sem og verklegan hluta. Námskeiðið er aðeins ætlað fyrir þá sem hafa hug á að vinna á næstu sýningum HRFÍ og hugsað bæði fyrir þá sem ekki hafa unnið áður og þá sem hafa unnið þar sem við munum á þessu námskeiði kenna á danska sýningakerfið.
​
​Ekki er tekið þátttökugjald á námskeiðin en vinsamlegast skráið ykkur sem fyrst hjá skrifstofu HRFÍ á póstfangið hrfi@hrfi.is eða í síma 588-5255.

Skrifstofa Hundaræktarfélags Íslands óskar félagsmönnum gleðilegra páska. 
Skrifstofan verður lokuð frá 18. apríl - 25. apríl. 
Við opnum aftur föstudaginn 26. apríl kl.10.00

Páskakveðja 
Skrifstofa HRFÍ   

Nú líður að sumri (að minnsta kosti í hjörtum) og styttist nú óðum í fyrri sumarsýninguna okkar sem verður í hjarta Hafnarfjarðar og haldin helgina 8.-9. júní á Víðistaðatúni.
Laugardaginn 8. júní verður haldin Reykjavík Winner og NKU Norðurlandasýning og sunnudaginn 9. júní höldum við alþjóðlega sýningu. Ekki verður sérstök hvolpasýning en hvolpar frá 4-9 mánaða geta keppt bæði laugardag og sunnudag eins og eldri hundar.

Dómarar helgarinnar verða: Ann Carlström (Svíþjóð), Birgitta Svarstad (Svíþjóð), Carsten Birk (Danmörk), Gunnar Nymann (Danmörk), Jadranka Mijatovic (Króatía), Paul Scanlon (Írland), Péter Harsányi (Ungverjaland), Roxana Liliana Birk (Danmörk), Tanya Stockmari (Finnland) og Terje Lindström (Noregur).
Keppni ungra sýnenda fer fram á laugardeginum 8. júní og áætlað að keppni hefjist um kl. 12, en tímasetning getur breyst eftir skráningu. Dómari keppninnar verður Þórkatla Lunddal Friðriksdóttir. 

Búið er að opna fyrir skráningu á sýninguna og eru skráningafrestir eftirfarandi:
Gjaldskrá 1: 28. apríl, kl. 23:59
Gjaldskrá 2: 12. maí, kl. 23:59
Umsóknir um meistaratitla, ættbókarskráningar, eigendaskipti, umskráningar á erlendum ættbókum, þurfa að hafa borist félaginu ásamt öllum viðeigandi gögnum og greiðslu Í SÍÐASTA LAGI FÖSTUDAGINN 26. APRÍL til þess að tryggja að skráning náist.

Skráningar á sýningar HRFÍ fara fram í gegnum vefsíðu Hundeweb en einnig er hægt að skrá á skrifstofu HRFÍ eða í gegnum síma gegn aukagjaldi. Skrifstofa HRFÍ er opin virka daga frá kl. 10-15. Ekki er tekið við skráningum sem berast eftir síðasta skráningadag. Skráning í keppni ungra sýnenda fer einungis fram á skrifstofu HRFÍ, ekki þarf að greiða aukagjaldið vegna þeirrar skráningar. 

Til þess að geta skráð þarf eigandi/eigendur hunds sem skráður er á sýningu HRFÍ að vera virkur félagsmaður, með greitt árgjald, í HRFÍ, eða félagi viðurkenndu af HRFÍ, það ár sem sýningin fer fram. Ef eigandi hefur ekki greitt félagsgjald skal hafa samband við skrifstofu HRFÍ til að ganga frá greiðslu á því áður en skráð er á sýningu. Hundar skráðir á sýninguna með íslenska eigendur skulu vera skráðir í HRFÍ. Aðrir hundar verða að vera skráðir hjá öðrum hundaræktunarfélögum samþykktum af FCI. Skráning og greiðsla þarf að hafa borist félaginu áður en síðasta skráningadegi lýkur.

Finna má allar upplýsingar um netskráningu HÉR

Ekki er hægt að millifæra fyrir sýningagjöldum og skráningar eru ekki teknar gildar ef greiðsla fylgir ekki.


Dómaraáætlun
Eftirtaldir dómarar dæma tilgreindar hundategundir (ekki allar tegundir tilgreindar). Aðrir dómarar sýningar sem hafa tilskilin réttindi eru varadómarar, forfallist dómari sem skráður er á tegund eða fjöldi skráðra hunda gerir það nauðsynlegt.
 
Laugardagur 8. júní:
Tegundahópur 1:
Australian shepherd: Péter Harsányi, HU
Boder collie: Péter Harsányi, HU
Collie, rough: Péter Harsányi, HU
Collie, smooth: Péter Harsányi, HU
German shepherd dog, báðar feldgerðir: Terje Lindstrøm, NO
Shetland sheepdog: Terje Lindstrøm, NO
 
Tegundahópur 2:
Giant schnauzer, black: Roxana Liliana Birk, DK
Great dane: Carsten Birk, DK
Miniature schnauzer, allir litir: Roxana Liliana Birk, DK
Schnauzer, báðir litir: Roxana Liliana Birk, DK
St. Bernhards, báðar feldgerðir: Carsten Birk, DK
 
Tegundahópur 3:
Allar tegundir: Tanya Ahlman-Stockmari, FI
 
Tegundahópur 4/6:
Allar tegundir: Ann Carlström, SE
 
Tegundahópur 5:
Alaskan malamute: Jadranka Mijatovic, CR
Íslenskur fjárhundur: Birgitta Svarstad, SE
Pomeranian: Jadranka Mijatovic, CR
Samoyed: Jadranka Mijatovic, CR
Siberian husky: Jadranka Mijatovic, CR
 
Tegundahópur 7:
Hungarian short-haired vizsla: Péter Harsányi, HU
Aðrar tegundir: Gunnar Nymann, DK
 
Tegundahópur 8:
Labrador retriever: Ann Carlström, SE
 
Tegundahópur 9:
Bichon frise: Paul Scanlon, IR
Chihuahua, báðar feldgerðir: Paul Scanlon, IR
Lhasa apso: Paul Scanlon, IR
Maltese: Paul Scanlon, IR
Papillon: Paul Scanlon, IR
Poodle, allar stærðir: Tanya Ahlman-Stockmari, FI
Shih tzu: Tanya Ahlman-Stockmari, FI
 
Tegundahópur 10:
Allar tegundir: Birgitta Svarstad, SE
 

Sunnudagur 9. júní:
Tegundahópur 1:
Australian shepherd: Tanya Ahlman-Stockmari, FI
Collie, rough: Jadranka Mijatovic, CR
Collie, smooth: Jadranka Mijatovic, CR
Germen shepherd dog, báðar feldgerðir: Jadranka Mijatovic, CR
Shetland sheepdog: Tanya Ahlman-Stockmari, FI
White swiss shepherd dog: Tanya Ahlman-Stockmari, FI
 
Tegundahópur 2:
Bernese mountain dog: Péter Harsányi, HU
Boxer: Péter Harsányi, HU
Bulldog: Péter Harsányi, HU
Dobermann: Péter Harsányi, HU
Giant schnauzer, black: Paul Scanlon, IR
Great dane: Péter Harsányi, HU
Miniature schnauzer, allir litir: Paul Scanlon, IR
Schnauzer, báðir litir: Paul Scanlon, IR
 
Tegundahópur 3:
Allar tegundir: Gunnar Nymann, DK
 
Tegundahópur 4/6:
Allar tegundir: Gunnar Nymann, DK
 
Tegundahópur 5:
Íslenskur fjárhundur: Terje Lindstrøm, NO
Siberian husky: Terje Lindstrøm, NO
 
Tegundahópur 7:
Allar tegundir: Ann Carlström, SE
 
Tegundahópur 8:
American cocker spaniel: Ann Carlström, SE
English cocker spaniel: Ann Carlström, SE
English springer spaniel: Ann Carlström, SE
Labrador retriever: Roxana Liliana Birk, DK
 
Tegundahópur 9:
Cavalier king Charles spaniel: Carsten Birk, DK
Chihuahua, báðar feldgerðir: Birgitta Svarstad, SE
Lhasa apso: Birgitta Svarstad, SE
Maltese: Birgitta Svarstad, SE
Papillon: Birgitta Svarstad, SE
Shih tzu: Carsten Birk, DK
Tibetan spaniel: Carsten Birk, DK
Tibetan terrier: Carsten Birk, DK