Winter Wonderland sýning HRFÍ verður haldin helgina 24.-26. nóvember í reiðhöll Fáks í Víðidal. Glæsileg skráning er á sýninguna en samtals 831 hundur mætir í dóm yfir helgina.

Föstudagskvöldið 24. nóvember verður hvolpasýning Royal Canin sem hefst kl. 18.00, en þar keppa 161 hvolpur um titilinn “Besti hvolpur sýningar” í tveimur aldurs flokkum, 3-6 mánaða og 6-9 mánaða. Á sama tíma fer fram keppni ungra sýnenda þar sem 28 ungmenni eru skráð til leiks.

Alþjóðleg sýning fer svo fram á laugardag og sunnudag þar sem samtals 670 hundar mæta í dóm. Dómar munu hefjast kl. 9.00 báða daga og verður dæmt í fimm hringjum. Dómarar sýningar eru Frank Kane (Bretland), Gerard Jipping (Holland), Marija Kavcic (Slóvenía), Marie Thorpe (Írland) og Nils Molin (Svíþjóð).

Hér fyrir neðan má sjá dagskrá hringja á sýningunni - ATH. að þessi dagskrá er birt með fyrirvara um breytingar á röðun tegunda inn í hring. 

Eftir nokkurra ára baráttu í einangrunarmálum fagnar Hundaræktarfélag íslands ákvörðun Þorgerðar Katrínar að framkvæma nýtt áhættumat.  Fulltrúar Hrfí lögðu á það ríka áherslu að matið væri framkvæmt af óháðum og helst erlendum aðila.  Dr. Preben Willeberg, fyrrverandi yfirdýralæknir í Danmörku, mun framkvæma matið.
​
Sjá frétt á vef stjórnarráðsins: https://www.stjornarradid.is/efst-a-baugi/frettir/stok-frett/2017/10/26/Nytt-ahaettumat-verdur-unnid-um-innflutning-hunda-og-katta/

Fyrirhugaðar eru breytingar á reglugerð um hollustuhætti, þannig að eigendum eða rekstraraðilum veitingastaða verði heimilt að leyfa gestum að koma með gæludýr inn á veitingastaði, að uppfylltum tilteknum skilyrðum.  Af því tilefni óskaði Umhverfisráðuneytið eftir umsögnum með auglýsingu birtri á vef ráðuneytisins 28. september s.l.
HRFÍ hefur allt frá árinu 2015 barist fyrir breytingum á víðtæku banni reglugerðarinnar þar sem hundum er meinaður aðgangur að húsrými og lóðum sem talin eru upp í fylgiskjali 3 með reglugerðinni.  Að áliti HRFÍ felur takmörkunin í sér verulega skerðingu á rétti hundaeigenda til að stunda venjulegt líf sem og skerðingu þess að hægt sé að halda viðburði hjá félaginu í íþróttamannvirkjum án þess að það sé stutt rökum.  
 
Í þessu sambandi taldi félagið rétt að minna á að stjórnvöldum ber, við setningu íþyngjandi stjórnvaldsfyrirmæla, að gæta þess að mál sé nægilega rannsakað og að ekki megi ganga lengra en nauðsyn krefur til að ná fram þeim markmiðum sem reglugerðinni er ætlað að ná fram, þ.e. að stuðla að framkvæmd hollustuverndar. Aðspurt um rök að baki hinu víðfeðma banni var því tilsvarað að meginástæðan fyrir banninu væri að vernda ofnæmissjúklinga fyrir ofnæmisvaka frá dýrum og koma í veg fyrir óþrif frá dýrum í húsrýmum og á lóðum sem heyrðu undir bannið.  Óskaði félagið eftir fundi til að ræða þessi sjónarmið og hitti þáverandi ráðherra 27 maí 2016.  Á þeim fundi var upplýst að unnið væri að endurskoðun reglnanna.
 
Félagið fagnar að sjálfsögðu þeim fyrirhuguðu breytingum sem boðaðar eru enda mikilsvert og jákvætt skref í átt að réttarbótum og hugarfarsbreytingu í garð hundaeigenda.  Hins vegar eru gerðar athugasemdir við þá aðferðarfræði að veita tilslökun á banni enda sé hún röng.  Hundur sé hluti fjölskyldunnar og almennt eigi hundafólk rétt til athafna og frelsis sem verði ekki skert nema sýnt sé fram á nauðsyn slíkrar takmörkunar.  Réttindabarátta félagsins heldur því áfram en betur má ef duga skal.
 
Hjálagt fylgir umsögn félagsins auk rannsókna sem kanna ofnæmisvaka tengdum gæludýrum í annars vegar almenningsvögnum í Helsinki og hins vegar frétt um íslenska rannsókn á ofnæmisvökum sem gerð var í skólastofu og íþróttahúsi að lokinni hundasýningu.

Á fundi sínum þann 5. október sl. staðfesti stjórn réttindi þeirra Önnu Birnu Björnsdóttur og Stefaníu Björgvinsdóttur til að dæma hundafimikeppnir á Íslandi. Þær Anna og Stefanía voru einnig samþykktar sem dómaranemar til alþjóðlegra réttinda en þær vinna nú að því að öðlast frekari réttindi. Félagið óskar Önnu og Stefaníu innilega til hamingju með áfangann. 

Síðasta sýning ársins verður Winter Wonderland sýning og verður haldin helgina 24.-26. nóvember í reiðhöll Fáks í Víðidal.
Föstudagskvöldið 24. nóvember verður hvolpasýning og keppni ungra sýnenda.
Laugardaginn 25. nóvember og sunnudaginn 26. nóvember verður alþjóðleg sýning
Dómarar helgarinnar eru: Frank Kane (Bretland), Gerard Jipping (Holland), Marija Kavcic (Slóvenía), Marie Thorpe (Írland) og Nils Molin (Svíþjóð).

Opið er fyrir skráningu á sýninguna og eru skráningafrestir eftirfarandi:
Gjaldskrá 1: 13. október
Gjaldskrá 2: 27. október
Umsóknir um meistaratitla, ættbókarskráningar, eigendaskipti, umskráningar á erlendum ættbókum, þurfa að hafa borist félaginu ásamt öllum viðeigandi gögnum í síðasta lagi 13. október til þess að tryggja að skráning náist.

Skráningar á sýningar HRFÍ fara aðeins fram á skrifstofu HRFÍ eða í gegnum síma. Skrifstofa HRFÍ er opin virka daga frá kl. 10-15.
Álag er á símanum síðustu skráningardaga og því eru félagsmenn hvattir til þess að vera tímanlega í skráningu. Ekki er tekið við skráningum sem berast eftir síðasta skráningadag.

Til þess að geta skráð þarf að gefa upp nafn hundsins í ættbók eða kennitölu skráðs eiganda og greiðsla þarf að fylgja skráningu. Aðeins er tekið við skráningum á hundum virkra félagsmanna (þ.e. þeirra sem hafa greitt árgjald félagsins), hægt er að ganga frá greiðslu árgjalds á sama tíma og skráð er á sýningu en ekki er hægt að greiða síðar.
Hægt er að greiða með reiðufé og öllum helstu kortum á skrifstofu. Hægt er að greiða með öllum helstu kreditkortum í gegnum síma ásamt MasterCard debetkortum frá Íslandsbanka (útgefnum eftir 2011). Nauðsynlegt er að hafa kortanúmer, gildistíma og öryggisnúmer eigi að greiða í gegnum síma.

Ekki er í boði að millifæra fyrir sýningagjöldum og skráningar eru ekki teknar gildar ef greiðsla fylgir ekki.


Dómaraáætlun
Eftirtaldir dómarar dæma tilgreindar hundategundir. Aðrir dómarar sýningar sem hafa tilskilin réttindi eru varadómarar, forfallist dómari sem skráður er á tegund eða fjöldi skráðra hunda gerir það nauðsynlegt.

Laugardagur 25. nóvember: Tegundahópar 3, 5, 7, 9 & 10

Tegundahópur 3:
Allar tegundir: Marija Kavcic
 
Tegundahópur 5:
Íslenskur fjárhundur: Nils Molin
Samoyed: Marija Kavcic
Siberian husky: Gerard Jipping
 
Tegundahópur 7:
Breton: Frank Kane
Enskur pointer: Frank Kane
Enskur setter: Frank Kane
Gordon setter: Frank Kane
Italian pointing dog: Nils Molin
Írskur setter: Frank Kane
Pudelpointer: Nils Molin
Ungversk vizsla, snöggh.: Frank Kane
Vorsteh, snöggh: Frank Kane
Vorsteh, strýh: Frank Kane
Weimaraner, snöggh: Frank Kane
 
Tegundahópur 9:
Bichon frise: Marie Thorpe
Cavalier king Charles spaniel: Frank Kane
Chihuahua, síðh.: Marie Thorpe
Chihuahua, snöggh.: Marie Thorpe
Tíbet spaniel: Nils Molin
 
Tegundahópur 10
Allar tegundir: Gerard Jipping
 
 
Sunnudagur 26. nóvember – Tegundahópar 1, 2, 4/6 og 8
 
Tegundahópur 1
Australian shepherd: Gerard Jipping
Border collie: Gerard Jipping
Collie rough: Marija Kavcic
Collie smooth: Marija Kavcic
Schäfer, snöggh.: Nils Molin
Schäfer, síðh.: Nils Molin
Shetland sheepdog: Marija Kavcic
 
Tegundahópur 2
Dvergschnauzer, allir litir: Marie Thorpe
Schnauzer, báðir litir: Marie Thorpe
Risaschnauzer, svartur: Marie Thorpe
 
Tegundahópur 8
Labrador retriever: Frank Kane
Golden retriever: Frank Kan

Við auglýsum eftir félagsmanni sem hefur menntun og/eða reynslu á sviði mannvirkjagerðar til að ljá okkur lið við þarfagreiningu í tengslum við framtíðarhúsnæði félagsins. ​Ef þú vilt taka þátt í spennandi verkefni sendu þá póst á gudny@hrfi.is sem allra fyrst.