Sýningastjórn HRFÍ þakkar fyrir árið sem er að líða, skráningar fóru oft fram úr björtustu vonum, nýjungum var vel tekið og heilt yfir gengu sýningar ársins vel, þótt enn þurfi að bæta verulega umgengni um sýningarsvæði.
Nýtt sýningaár er framundan og markið er sett á að gera enn betur á öllum sviðum! Fjörið hefst strax í janúar með hvolpasýningu sem haldin verður í Keflavík. Norðurljósa sýningin verður á sínum stað í mars og við ætlum að láta reyna aftur á tvöfalda sýningu í júní. Eins frábærar og tvöfaldar sýningar eru, hafa þær reynst okkur þungar að manna og má segja að framhaldið velti á því hvort hinir frábæru sjálfboðaliðar félagsins valdi verkefninu. Ágústsýningin verður áfram einföld og að þessu sinni með Gay Pride þema. Við höldum síðan inn í veturinn með haustsýningu í október og endum árið á Winter Wonderland sýningunni í nóvember þar sem við viljum sjá alla í jólapeysum!
HRFÍ hefur fengið það hlutverk að halda árlegt Norðurlandamót í keppni ungra sýnenda, samhliða nóvember sýningu félagsins, þar sem landslið allra Norðurlanda keppa sín á milli í einstaklings- og liðakeppni. Þetta er áfangi fyrir félagið í NKU samstarfinu og við ætlum að sjálfsögðu að leysa þessa áskorun með glæsibrag. Til að koma öllu fyrir í reiðhöll Spretts í Kópavogi, hefur verið ákveðið að engir hvolpaflokkar verði að þessu sinni á sýningunni. Það kemur vonandi ekki að sök, því stefnt er að því að halda aðra hvolpasýningu ársins eftir mitt árið og svo aftur í janúar 2024. Dagsetningar eru ekki festar og verða auglýstar síðar.
Annars er hægt er að sjá allar dagsetningar og skráningafresti inni á www.hundavefur.is og undir sýningadagatalinu hér á hrfí-síðunni og þar er einnig hægt að sjá dómaraáætlun ársins sem er sett fram með öllum hefðbundnum fyrirvörum um dómarabreytingar og skráningar í tegundum.
Gleðilegt sýningaár!
Nýtt sýningaár er framundan og markið er sett á að gera enn betur á öllum sviðum! Fjörið hefst strax í janúar með hvolpasýningu sem haldin verður í Keflavík. Norðurljósa sýningin verður á sínum stað í mars og við ætlum að láta reyna aftur á tvöfalda sýningu í júní. Eins frábærar og tvöfaldar sýningar eru, hafa þær reynst okkur þungar að manna og má segja að framhaldið velti á því hvort hinir frábæru sjálfboðaliðar félagsins valdi verkefninu. Ágústsýningin verður áfram einföld og að þessu sinni með Gay Pride þema. Við höldum síðan inn í veturinn með haustsýningu í október og endum árið á Winter Wonderland sýningunni í nóvember þar sem við viljum sjá alla í jólapeysum!
HRFÍ hefur fengið það hlutverk að halda árlegt Norðurlandamót í keppni ungra sýnenda, samhliða nóvember sýningu félagsins, þar sem landslið allra Norðurlanda keppa sín á milli í einstaklings- og liðakeppni. Þetta er áfangi fyrir félagið í NKU samstarfinu og við ætlum að sjálfsögðu að leysa þessa áskorun með glæsibrag. Til að koma öllu fyrir í reiðhöll Spretts í Kópavogi, hefur verið ákveðið að engir hvolpaflokkar verði að þessu sinni á sýningunni. Það kemur vonandi ekki að sök, því stefnt er að því að halda aðra hvolpasýningu ársins eftir mitt árið og svo aftur í janúar 2024. Dagsetningar eru ekki festar og verða auglýstar síðar.
Annars er hægt er að sjá allar dagsetningar og skráningafresti inni á www.hundavefur.is og undir sýningadagatalinu hér á hrfí-síðunni og þar er einnig hægt að sjá dómaraáætlun ársins sem er sett fram með öllum hefðbundnum fyrirvörum um dómarabreytingar og skráningar í tegundum.
Gleðilegt sýningaár!