​Ungmennadeild HRFÍ boðar til ársfundar. 

Ársfundur Ungmennadeildar HRFÍ fer fram þriðjudaginn 10. mars klukkan 18:30 á skrifstofu Hundaræktarfélagsins, að Síðumúla 15. 

Dagskrá
1 Farið yfir ársskýrslu deildarinnar
2. Stjórnarkjör
- Þrjú laus sæti, tvö til tveggja ára og eitt til eins árs. 
3. Önnur mál

Að fundi loknum mun Gunnhildur Jakobsdóttir halda erindi um hundaþjálfun og fleira spennandi! 

Boðið verður upp á góðgæti og gos! 

Hlökkum til að sjá ykkur! 

Ársfundur Chihuahuadeildar
Ársfundur Chihuahuadeildar verður haldinn þann 24. mars 2020 klukkan 20:00. Fundurinn fer fram í húsnæði Hundaræktarfélagi Íslands, Síðumúla 15. Dagskrá:
· Kosning fundarstjóra og ritara
· Lögmæti fundar kannað
· Skýrsla stjórnar 2019

· Ársreikningur 2019
· Stjórnarkjör (tveir ganga úr stjórn; Rósa Traustadóttir og Guðbjörg Jensdóttir og hafa þær ákveðið að gefa kost á sér aftur).
· Önnur mál

Stjórn Yorkshire Terrier deildar boðar til ársfundar fimmtudaginn 5. mars 2020 kl.
20:00 á skrifstofu Hundaræktarfélags Íslands.

Dagskrá fundarins:
1. Kosning fundarstjóra og ritara
2. Skýrslur tengiliða
3. Skýrsla stjórnar
4. Önnur mál.
Kveðja Stjórn

Árfundur deildarinnar verður haldinn í Síðumúla 15 miðvikudaginn 19.febrúar n.k. og hefst kl.20.00

Verkefnið eru hefðbundin ársfundarstörf.
• Farið yfir ársskýrslu stjórnar fyrir 2019
• Farið yfir rekstarreikning fyrir 2019
• Val í nefndir
• Kosið til stjórnar Retrieverdeildar. Tvö sæti eru laus til tveggja ára.
• Önnur mál.
Samkvæmt reglum um ræktunardeildir er stjórn skipuð 5 stjórnarmeðlimum og eru þeir kostnir til 2 ára, tveir og þrí í senn. Nú eru tvö sæti laus og eru það sæti Sigrúnar Guðlaugardóttur og Unnar Olgu Ingvarsdóttur. Unnur gefur kost á sér áfram.

Við hvetjum ykkur kæru félagsmenn að gefa kost á ykkur til að starfa í stjórn og nefndum deildarinnar. Það er skemmtilegt að starfa í kringum áhugamálið, styrkur okkar er að sem flestir gefi kost á sér og að þáttakendur séu með mismunandi sýn og áhuga. Þá verður starfið fjölbreyttara og meiri líkur á að það falli að fjöldanum.
Hér má sjá upplýsingar um nefndir og deildina https://www.retriever.is/deildin/

Ef það eru einhver sérstök mál sem þið viljið koma að á ársfundi til umræðu væri gott að senda erindi áður, það er ekki skylda en gefur færi á meiri umræðum.

Takið daginn frá og sjáumst hress.

Stjórn Retrieverdeilda

Mánudaginn 24. febrúar kl. 19:30 mun ársfundur Siberian Husky deildar vera haldinn á skrifstofu HRFÍ á annari hæð í Síðumúla 15, 108 Reykjavík.
Byrjað verður á því að kjósa fundastjóra og lesa upp árskýrslu deildarinnar. Eftir það verður kosið í stjórn en þrír stjórnarmeðlimir eru nú að ljúka sínu kjörtímabili; Ólöf Gyða Risten Svansdóttir, Þórdís Rún Káradóttir og Þóra Lind Karlsdóttir.
“Kosningarrétt og kjörgengi á ársfundum deilda hafa þeir, sem eru skráðir eigendur hunda eða hafa verið skráðir eigendur hunda í viðkomandi deild í tvö ár og skuldlausir við félagið það ár sem ársfundur er haldinn. Hjón hafa kosningarétt og kjörgengi hvort heldur þau greiða félagsgjald sem hjón eða í sitthvoru lagi sé annað þeirra skráð fyrir hundi í deildinni.” (frá starfsreglum HRFÍ um ræktunardeildir)
Ef deildarmeðlimir hafa einhver önnur mál sem þeir vilja að rædd séu á ársfundinum endilega sendið okkur póst á huskydeild@gmail.com.

Stjórn Fjár- og hjarðhundadeildar boðar til ársfundar þann 20. febrúar 2020 kl. 20:00 á skrifstofu Hundaræktarfélags Íslands.
Dagskrá fundarins:
1. Kosning fundarstjóra og ritara
2. Skýrslur tengiliða
3. Skýrsla stjórnar
4. Ársuppgjör frá gjaldkera
5. Kosningar tengiliða allra tegunda
6. Kosning um breytta stigagjöf innan deildarinnar *
7. Kosning stjórnarmeðlima 
Kosið er um 3 sæti til 2 ára Heidi gekk úr stjórn í byrjun árs þegar hún flutti erlendis. Guðríður og Ólafur Smári gefa hvorugt kost á sér til áframhaldandi stjórnarsetu. 8. Önnur mál * Stjórn barst formleg beiðni þess efnis að skoðað yrði nýtt fyrirkomulag fyrir stigagjöf hunda innan deildarinnar. Með erindinu barst vel útfærð tillaga að reglum um stigagjöf. Stjórn deildarinnar líst vel á þessa hugmynd og tók í framhaldi þá ákvörðun að leggja málið í hendur félagsmanna til kosningar á ársfundi. Stjórn notaðist að mestu leiti við þá hugmynd sem send var inn, en gerði á henni smávægilegar breytingar. Þetta nýja stigafyrirkomulag má kynna sér á heimasíðu deildarinnar. Sú umræða hefur margsinnis komið upp að betra væri fyrir deildina að hafa sérstakt stigakerfi, í stað þess að notast eingöngu við stig HRFÍ. Með þessum breytingum ættum við að vera laus við það að verðlauna stigalausa hunda á ársfundi félagsins, þar sem hundar safna stigum fyrir árangur innan tegundar en ekki eingöngu fyrr að ná sætaröðun í úrslitum. Við hvetjum félagsmenn til að lesa tillöguna yfir og mæta á aðalfundinn til þess að nýta kosningarétt sinn. Verði tillagan samþykt mun hún taka gildi samstundis og verða stig ársins 2020 þá reiknuð eftir þessum nýju reglum.
Við hlökkum til að sjá ykkur öll!
Með góðum kveðjum 
Stjórn fjár-og hjarðhundadeildar