Ársfundur  Fjár – og hjarðhundadeildar 2021
Ársfundur deildarinnar verður haldinn í Síðumúla 15, fimmtudaginn 25.mars 2021 og hefst kl. 20.00.
Á dagskrá eru hefðbundin ársfundarstörf.
· Kosning fundarstjóra og ritara
· Skýrslur tengiliða
· Ársskýrsla stjórnar
· Ársuppgjör frá gjaldkera
· Kosning um reglur tengiliða tegunda
· Kosningar tengiliða allra tegunda
· Kosning stjórnarmeðlima. Þrjú sæti eru laus til tveggja ára.
· Stigahæstu vinnuhundar í öllum flokkum verða heiðraðir
· Önnur mál
Á aðalfundinum verður kosið um nýjar reglur tengiliða tegunda en reglurnar hafa verið birtar á heimasíðu deildarinnar, sjá hér að neðan, og á Facebooksíðu. Við hvetjum alla félagsmenn að kynna sér efni reglnanna og nýta kosningarétt sinn.
Samkvæmt reglum um ræktunardeildir er stjórn skipuð fimm stjórnarmeðlimum og eru þeir kosnir til 2 ára, tveir og þrír í senn. Kjósa þarf um þrjú sæti í stjórn Fjár – og hjarðhundadeildar. Svava Björk Ásgeirsdóttir lætur af störfum eftir þriggja ára setu í stjórn og Birna Sólveig Kristjónsdóttir lætur af störfum eftir tveggja ára setu í stjórn. Einnig hefur núverandi formaður, Jónína Guðmundsdóttir, óskað eftir því að láta af störfum eftir eitt ár í starfi. Þeim er öllum kærlega þakkað sitt framlag til deildarinnar og óskað velfarnaðar í sínum verkefnum. Stjórn óskar eftir framboðum frá félagsmönnum þeim er áhuga hafa á að starfa í stjórn deildar. Að vinna í slíkri sjálfboðavinnu er skemmtilegt, lærdómsríkt og fjölbreytt, og krefst þess að fólk geti unnið af trúmennsku í góðu samstarfi og lagt sitt af mörkum til að efla félagið og standa vörð um hagsmuni þess. Það er styrkur fyrir deildina að sem flestir gefi kost á sér og að þátttakendur séu með mismunandi sýn og reynslu. Áhugasamir frambjóðendur geta sent okkur póst á smalahundar@gmail.com. Heimasíða deildar er: www.smalar.net Endilega hafið samband við stjórn á netfangið smalahundar@gmail.com ef einhverjar spurningar vakna. Hlökkum til að sjá ykkur sem flest!
Kveðja;
Stjórn Fjár- og hjarðhundadeilda

Ársfundur Írsk setterdeildar 2021
Ársfundur deildarinnar verður haldinn 22. mars á Leirum kl. 20:00
Dagskrá:
Skýrsla stjórnar lögð fram til samþykktar
Stjórnarkjör – 3 sæti laus til 2ja ára
Önnur mál
Kosningarétt hafa skuldlausir félagar HRFÍ sem eiga Írskan setter. Hjón/pör hafa bæði kosningarétt, hvort sem þau greiða félagsgjald HRFÍ sem hjónagjald eða í sitt hvoru lagi.
Stjórn hvetur félaga til að mæta og taka þátt í deildarstarfinu.
Virðum sóttvarnarreglur og munum eftir grímunni :) 

Ársfundur DESÍ verður haldinn í SÓLHEIMAKOTI 17.mars. 2021 kl 20.
Verkefnið eru hefðbundin ársfundarstörf.
Farið yfir ársskýrslu stjórnar fyrir 2020
Heiðrun stigahæstu hunda 2020
Kosið til stjórnar DESÍ.
Að þessu sinni eru 2 sæti laus, til tveggja ára.
Önnur mál.
Bestu kveðjur.
Ólafur Örn

​Ársfundur deildarinnar verður haldinn í Síðumúla 15
​miðvikudaginn 24.mars 2021 og hefst kl.20.00


Verkefnið eru hefðbundin ársfundarstörf.
· Farið yfir ársskýrslu stjórnar fyrir 2020
· Farið yfir rekstrareikning fyrir 2020
· Val í nefndir
· Kosið til stjórnar Retrieverdeildar. Þrjú sæti eru laus til tveggja ára.
· Stighæsti hundur á veiðiprófum 2020 heiðraður
· Önnur mál.
Samkvæmt reglum um ræktunardeildir er stjórn skipuð 5 stjórnarmeðlimum og eru þeir kostnir til 2 ára, tveir og þrír í senn. Nú eru þrjú sæti laus og eru það sæti Gunnar Arnar Arnarsonar, Heiðars Sveinssonar og Sunnu Birnu Helgadóttur, Sunna gefur kost á sér áfram.
Við hvetjum ykkur kæru félagsmenn að gefa kost á ykkur til að starfa í stjórn og nefndum deildarinnar. Það er skemmtilegt að starfa í kringum áhugamálið, styrkur okkar er að sem flestir gefi kost á sér og að þátttakendur séu með mismunandi sýn og áhuga. Þá verður starfið fjölbreyttara og meiri líkur á að það falli að fjöldanum.
Hér má sjá upplýsingar um nefndir og deildina https://www.retriever.is/deildin/
Ef það eru einhver sérstök mál sem þið viljið koma að á ársfundi til umræðu væri gott að senda erindi áður, það er ekki skylda en gefur færi á meiri umræðum.


Takið kvöldið frá og sjáumst hress.


Stjórn Retrieverdeildar