|
Sýningin er haldin í Gæludýr.is Korputorgi og hefjast dómar kl. 9:00 árdegis í báðum hringjum og standa fram eftir degi. Áætlað er að úrslit á báða hefjast um kl. 14:30 og þá kemur í ljós hvaða hvolpar af þeim 127 sem taka þátt, bera af að mati dómara. Dómarar þennan dag eru dómaranemarnir Auður Sif Sigurgeirsdóttir, Daníel Örn Hinrikisson, Inga Björk Gunnarsdóttir og Þórdís Björg Björgvinsdóttir. Húsið opnar fyrir sýnendur kl.8.30 og sýninganúmer verða afhent á staðnum. Sýnendum og áhorfendum er velkomið að taka með sér stóla til að sitja við hringina, en við bendum á að enginn veitingasala er á staðnum. Aðgangur er ókeypis.  Alþjóðleg hundasýning Hundaræktarfélags Íslands verður haldin helgina 28.febrúar - 1.mars 2015.
Skráningafresti hefur verið framlengt til mánudagsins 2. febrúar, kl. 15.00, gegn 750 kr. aukagjaldi. Skráningar í afkvæma- og ræktunarhópa fara fram á sýningunni, hjá hringstjóra í viðkomandi hring. Athugið að umsögn um ræktunarhópa verður að vera undirrituð af ræktanda svo hún telji til stiga. Dómarar að þessu sinni eru: Hassi Assenmacher-Feyel (Þýskalandi), Vincent O'Brian (Írlandi), Martin Johansson (Svíþjóð), Tomas Rohlin (Danmörk) og Janusz Opara (Póllandi). Ekki verður birt dómaraáætlun að þessu sinni en áætlað er að vera með tegundahópa 2, 3, 4/6, 5 og 8 á laugardegi og 1, 7,9 og 10 á sunnudegi. Hægt er að skrá á sýningarnar í gegnum síma á opnunartíma skrifstofu með kredikorti eða maestro debetkorti, vinsamlega verið með kortaupplýsingar við hendina við skráningu (kortanúmer, gildistími og öryggisnúmer). Ekki er tekið við greiðslu í gegnum heimabanka. Einnig er eins og áður hægt að skrá hunda á sýninguna á skrifstofu félagsins að Síðumúla 15 á opnunartíma skrifstofu sem er 10.00-15.00 alla virka daga. Til að forðast óþarfa bið í síma eru félagsmenn hvattir til að skrá á sýninguna sem fyrst. Álag mun geta orðið á almennum störfum á skrifstofunni síðustu daga skráningar og eru félagsmenn beðnir að sýna biðlund á meðan þetta ástand varir. Þeir sem þurfa að skrá got og/eða innflutta hunda í ættbók HRFÍ eru beðnir að ganga frá skráningu tveimur vikum áður en skráningafresti lýkur til að tryggja að hundur komist á sýninguna, þ.e. fyrir 16. janúar 2015. Þátttökurétt hafa hundar sem eru með ættbók frá HRFÍ.
Ágætu ræktendur,
Þar sem almenn ánægja var með renninginn sem var útbúinn fyrir 45 ára afmælissýninguna á síðasta ári, hefur verið ákveðið að útbúa annan renning. Eins og á fyrri renningnum eiga að vera myndir af hundum ræktuðum á Íslandi, sem hlotið hafa titla í ættbók eða orðið BIS1 erlendis. Ekki er ætlunin að hafa hunda á nýja renningnum sem voru á hinum fyrri. Vinsamlegast sendið mynd af hundinum og skammstöfun yfir þá titla sem hundurinn hefur hlotið fyrir 18. febrúar á netfangið merkisteins@internet.is. Félagsgjöld fyrir árið 2015 hafa verið send í heimabanka félagsmanna, gjalddagi er 9. janúar og eindagi er 11. janúar.
Árgjald fyrir einstakling er kr.7500 og hjónagjald er kr. 10.600.- Vinsamlegast athugið að til þess að geta tekið þátt á viðburðum félagsins þarf árgjald að vera greitt. |