Hundaræktarfélagið hefur eignast þrjá nýja sýningadómara, en sýningadómaranefnd hefur útskrifað með hjálp Danska kennelklúbbsins stöllurnar Sóley Höllu Möller, Sóley Rögnu Ragnarsdóttir og Viktoríu Jensdóttur. 

Sóley Halla er með réttindi á eftirtaldar tegundir: Íslenskan fjárhund, Siberian Husky, Pomeranian, Australian Shepherd og Shetland Sheepdog.

Sóley Ragna er með réttindi á eftirtaldar tegundir: Cavalier King Charles Spaniel, Chihuahua smooth-haired, Chihuahua Long-haired, Griffon Belge, Griffon Broxellois, Japanese Chin, Pug og Petit Brabanqon.

Viktoria er með réttindi á eftirtaldar tegundir: Labrador Retriever, Golden Retriever, English Cocker Spaniel og American Cocker Spaniel.

Hundaræktarfélagið óskar þessum glæsilegu fulltrúum okkar innilega til hamingju.

Lokið hefur verið við gerð hundasleppisvæðis í Sveitarfélaginu Árborg. Svæðið er sunnan við Suðurhóla á Selfossi, austan Lækjamótavegar, þangað geta hundaeigendur farið með hunda sína til að viðra þá á afgirtu svæði. Staðsetning var ákveðin í samráði við stjórn Taums, hagsmunafélags hundaeigenda í Árborg. Er það von sveitarfélagsins að svæðið nýtist hundaeigendum vel og að jafnframt dragi úr því að hundar séu látnir hlaupa lausir á víðavangi.

http://www.arborg.is/hundasleppisvaedi-i-arborg/

Skrifstofan verður lokuð í dag föstudag og mánudaginn 24.febrúar vegna augnskoðunar og sýningar að Klettagörðum 6, 104 Reykjavík.  Við bendum þeim sem einhverja hluta vegna hafa ekki ennþá fengið sýninganúmer í pósti að þau númer sem við fengum tilbaka verða í afgreiðslunni á sýningunni.  Góða helgi.

Kæru félagsmenn.

Síðasti skiladagur fyrir deildarfréttir og myndir af nýjum meisturum fyrir vorblað Sáms er miðvikudagurinn 12. mars nk. 

Vinsamlegast látið ættbókarnafn hundsins koma fram ásamt upplýsingum um eiganda og ræktanda.

Kveðja,
Auður Sif Sigurgeirsdóttir, ritstjóri Sáms.

Helgina 22. – 23. febrúar mæta 802 hreinræktaðir hundar af 86 hundategundum í dóm á alþjóðlegri hundasýningu Hundaræktarfélags Íslands. Sýningin er haldin í Klettagörðum 6 og hefjast dómar kl. 9:00 árdegis báða daga og standa fram eftir degi. Áætlað er að úrslit á báða hefjast um kl. 14:30 og þá kemur í ljós hvaða hundar bera af að mati dómara. Megintilgangur hundasýninga er að meta hundana út frá ræktunarmarkmiði hvers kyns og leiðbeina ræktendum þannig í starfi sínu.

Sex dómarar frá fjórum löndum; Svíþjóð, Noregi, Ítalíu og Slóveníu dæma í sex sýningarhringjum samtímis.
 
Gestum gefst kostur á að kynnast hundum og ræða við hundeigendur og sýnendur, auk þess sem á staðnum er fjöldinn allur af sölu- og kynningabásum þar sem ýmis tilboð verða í gangi.
Áhorfendum er leyfilegt að koma með sína eigin stóla og sitja við sýningahringi.
 
Keppni ungra sýnenda 
Öflugt barna- og unglingastarf er starfrækt innan félagsins og að þessu sinni taka 26 ungmenni þátt í keppni ungra sýnenda, föstudagskvöldið 21. febrúar kl.19:00. Dómari í þeirri keppni er Rakel Ósk Þrastardóttir frá Íslandi.

Hér má sjá dagskrá sýningarinnar
Hér má sjá dagskrá úrslita báða dagana