Á næsta aðalfundi félagsins verður kosið um tvo meðstjórnendur og varamann þeirra.  Til samræmis við 10. gr. laga HRFÍ rennur framboðsfrestur út 30. mars nk. en nöfn frambjóðenda verða tilkynnt á heimasíðu félagsins í beinu framhaldi.
 
Framboð skal sent stjórn eða skrifstofu félagsins með sannanlegum hætti.  Hægt er að senda tölvupóst á netfang stjornar, stjorn@hrfi.is, eða framkvæmdastjóra félagsins gudny@hrfi.is.
 
Reglur um kjörgengi má nálgast hér. 

Í ljósi aðstæðna hefur stjórn Hundaræktarfélags Íslands ákveðið að fresta öllum viðburðum næstu fjórar vikur. Einnig beinir stjórn þeim tillmælum til allra deilda félagsins að fresta viðburðum og þar með töldum ársfundum á meðan samkomubann er í gildi. 
​Staðan verður metin í framhaldi í ljósi þeirra fyrirmæla sem gefin eru út af yfirvöldum hverju sinni. 

Vegna faraldurs af völdum kórónuveirunnar hefur stjórn samþykkt að loka fyrir afgreiðslu á skrifstofu félagsins um ótilgreindan tíma. Reynt verður eftir fremsta megni að halda starfseminni óbreyttri og koma í veg fyrir að lokunin bitni á þjónustu við félagsmenn.  Þannig verður áfram svarað á símatíma skrifstofu í síma 588 5255.  Félagsmönnum er einnig bent á að hægt er að senda  tölvupóst á hrfi@hrfi.is. Þeir sem ekki geta sent pappíra rafrænt er bent á að pappírum er hægt að ýta undir hurðina í Síðumúla 15. Hægt er að millifæra inn á reikning félagsins en reikningsnúmerið er: 515-26-707729 Kt. 680481-0249.  Eins er tekið á móti símgreiðslum gegnum síma.
Stjórn mun fylgjast náið með framvindu mála og mun afgreiðslan opna aftur um leið og hægt er.