Kæru félagsmenn, þá er komið að því !!!!

​Takið helgina 25. - 26. mars frá, því þá ætlum við að flytja í Hafnarfjörðinn og vonumst til að sem allra flestir komi og hjálpi okkur og leggi hönd á plóg. Undanfarið hafa farið fram þær nauðsynlegu breytingar á húsnæðinu sem þurfti og á allt að vera tilbúið fyrir þessa helgi. Verið er að leggja lokahönd á málningu og leggja gólfefni. 

Hér að neðan er excel skjal þar sem þið getið skráð ykkur og við biðjum þá sem skrá sig að mæta eða láta vita tímanlega ef forföll verða. 

AÐSTOÐ VIÐ FLUTNINGA - SKRÁNING

Eins og áður hefur verið auglýst er skrifstofa félagsins lokuð frá 17. mars og opnar aftur eftir páska þar sem starfsfólk félagsins mun taka á móti ykkur með bros á vör í nýju húsnæði að Melabraut 17 Hafnarfirði.   


Að sjálfsögðu verður síðan opnunargleði síðar í apríl.

Á næsta aðalfundi félagsins verður kosið um formann félagsins, tvo meðstjórnendur og varamann þeirra. Til samræmis við 10. gr. laga HRFÍ rennur framboðsfrestur út 30. mars nk. en nöfn frambjóðenda verða tilkynnt á heimasíðu félagsins í beinu framhaldi.
 
​Við hvetjum alla félagsmenn sem hafa áhuga á að vinna í stjórn félagsins til að bjóða sig fram.

Framboð skal sent stjórn eða skilað á skrifstofu félagsins með sannanlegum hætti. Hægt er að senda tölvupóst á netfang stjórnar, stjorn@hrfi.is.
 
Reglur um kjörgengi má nálgast í lögum og reglum félagsins.

Vegna flutninga úr Síðumúla á Melabraut er skrifstofan lokuð frá 17. mars og opnar aftur eftir páska þar sem starfsfólk félagsins mun taka á móti ykkur með bros á vör í nýju húsnæði að Melabraut 17 Hafnarfirði.   

​Kveðja,
Starfsfólk og stjórn HRFÍ

Nú byrjum við sýningaárið af fullum krafti - Norðurljósasýning! Sýningin verður haldin í Samskipahöll Sprettara í Kópavogi. Skráning á sýninguna er með besta móti en skráðir eru 1099 hundar ásamt 35 ungum sýnendum.
Allir dómhringir byrja kl. 9:00 báða daga og áætlað að úrslit hefjist kl. 15:00. Gera má ráð fyrir að þau standi til u.þ.b. kl. 17/17:30. Dómarar helgarinnar verða: Anthony Kelly (Írland), Christian Jouanchicot (Frakkland), Espen Engh (Noregur), Lisa Molin (Svíþjóð), Markku Mähönen (Finnland), Morten Matthes (Danmörk) og Rosa Agostini (Ítalía). Dómari keppni ungra sýnenda verður Sóley Ragna Ragnarsdóttir en keppnin fer fram á laugardag. Áætlað er að keppnin hefjist um kl. 13:45, eða þegar dómum er lokið í hring 3.
​Þar sem kennelhósti er að ganga milli hunda þessa dagana, biðjum við fólk að passa sóttvarnir og ekki mæta með hvolpinn ef hann er hóstandi eða verið í návígi við hóstandi hund.​

Hér er hægt að sjá dagskrá og PM (dagskrá hringja)
Úrslit, umsanig og sýningaskrá má finna á hundavefur.is

Við minnum á að umgengni um svæðið þarf að vera til algjörrar fyrirmyndar og hvetjum við félagsmenn til að nýta sér ruslafötur á svæðinu. 
​Við minnum félagsmenn á þau ákvæði í reglugerð nr. 80/2016 er varðar velferð gæludýra þegar valdir eru sýningartaumar og ólar. Félagið hvetur félagsmenn til að nýta sér búnað sem er í samræmi við ákvæði reglugerðarinnar.

Nokkrir punktar sem fara skal yfir fyrir helgina:

• Vinsamlegast keyrum hægt í hesthúsahverfinu - mikið var um of hraðan akstur á svæðinu á öðrum sýningum félagsins
• STANGLEGA BANNAÐ er að vera með hunda á reiðstígum ásamt því að leggja á reiðstígum eða við hesthúsin í hverfinu, næg bílastæði eru við höllina og nóg pláss til að viðra hundana, ásamt pissusvæði innan dyra við ingang.
• Hundar eru ekki velkomnir upp í stúku eða í veislusal þar sem veitingasala er.
• Hundur á sýningasvæði skal vera í stuttum taumi og tryggt að hundur sé ávallt undir stjórn ábyrgðaraðila hans. Hundar mega ekki vera í útdraganlegum taumi (eins og t.d. flexi taumi).
• Þeir sýnendur sem eru með SNYRTIBORÐ með sér þurfa að vera með undirbreiðslu undir borðið. Til dæmis má nota teppi, handklæði eða plastundirbreiðslu.
• Hirða þarf upp eftir hundinn INNI OG ÚTI og þrífa með þess tilgerðum áhöldum. Pokar, sótthreinsisprey og pappír er sem fyrr að finna m.a. á borðum við hringi. Við hvetjum fólk til þess að tryggja það að ræsta hundana ÁÐUR en komið er inn í höll og benda öðrum þátttakendum á að hirða upp eftir sína hunda fari það fram hjá þeim.
• Haldið svæðinu í kringum ykkur hreinu.​ Með samstilltu átaki getum við sýnt og sannað að við getum verið til fyrirmyndar þegar kemur að umgengni en vitað er að það er ein helsta gagnrýni á hundahald. Okkur langar ekkert að vera úti í kulda og frosti á haust og vetrarsýningu.
• Veitingasala verður á staðnum í veislusalnum frá kl. 9-16 ásamt því að miðasalan og rósettusalan verða á sínum stað. Aðgangur kostar 1.000 kr. 
• Við minnum félagsmenn á þau ákvæði í reglugerð nr. 80/2016 er varðar velferð gæludýra þegar valdir eru sýningartaumar og ólar. Félagið hvetur félagsmenn til að nýta sér búnað sem er í samræmi við ákvæði reglugerðarinnar.

Sýningastjórar eru Silja Ösp Jóhannsdóttir, Erna Sigríður Ómarsdóttir, Anna Guðjónsdóttir og Ágústa Pétursdóttir.

Við hlökkum til að sjá ykkur og hefja sýningarárið með trompi.