Þá ættir þú að bjóða þig fram til nefndarstarfa! 

Eitt af fyrstu verkum nýrrar stjórnar á stjórnarfundi sem haldinn verður þann 7. júní nk. verður að skipa í fastanefndir félagsins auk annarra nefnda. Allir félagsmenn geta boðið sig fram til starfa og eru eindregið hvattir til að gefa kost á sér þar sem þeir vilja hafa áhrif og vinna að framgangi mála í starfi félagsins.
Vakin er athygli á því að áhugasamir einstaklingar óskast til starfa í sýningarnefnd, vísindanefnd, laganefnd og Sólheimakotsnefnd. 
​
Áhugsamir eru hvattir til að senda tölvupóst á netfangið stjorn@hrfi.is fyrir fimmtudaginn 7. júní. ​

​Stjórn hefur staðfest réttindi Silju Unnarsdóttir til að dæma í hlýðni og hundafimikeppnir á Íslandi. Félagið óskar Silju innilega til hamingju með þennan áfanga.

Velferðarráð Kópavogsbæjar hefur samþykkt tillögu Kristínar Sævarsdóttur um breytingar á reglum hvað varðar gæludýrahald í félagslegum íbúðum bæjarins. Leyfilegt verður hér með að halda hunda og ketti í íbúðum með sérinngang og gegn 2/3 samþykki eigenda með sameginlegan inngang eða stigagang.
Kristín Sævarsdóttir hafði samband við félagið sem aflaði upplýsinga til aðstoðar við rökstuðnings erindis Kristínar.  Félagið lét henni í té sænska skýrslu sem fjallar um jákvæð áhrif af samveru og samvistum við gæludýr. 
Hægt er að lesa skýrslu Manimalisrapporten 2017, Sällskapsdjurens betydelse för människan och samhället hér:
http://manimalis.com/
Fundargerð velferðarráðs Kópavogsbæjar:
https://www.kopavogur.is/is/stjornsysla/fundargerdir/velferdarrad/2295
​

Tillögur til afgreiðslu á Aðalfundi HRFÍ 17. maí 2018.

Tillögur um lagabreytingar
Á næsta aðalfundi félagsins kemur til umfjöllunar ein tillaga um lagabreytingu frá Stjórn HRFÍ.
Tillagan verður borin upp á næsta aðalfundi en samkvæmt 29. gr. laga félagsins verða þær að lögum hljóti þær a.m.k. 2/3 hluta greiddra atkvæða fundarmanna. 
Hér að neðan má kynna sér tillöguna.
​
Ársreikningar og erindi undir liðnum önnur mál.
Hér má svo finna endurskoðaða reikninga félagsins sem nú liggja frammi á skrifstofu félagsins og verða lagðir fram á aðalfundi félagsins til staðfestingar. Einnig má finna skýrslu stjórnar og þau erindi sem hafa borist og verða tekin fyrir undir liðnum önnur mál. 

Stjórn HRFÍ boðar til aðalfundar í félaginu sem haldinn verður á Hótel Cabin, Borgartúni 32, 105 Reykjavík og hefst kl. 20:00.

Dagskrá:
1. Skipan fundarstjóra, fundarritara og lögmæti fundarins kannað.
2. Skýrsla stjórnar HRFÍ.
3. Ársreikningar félagsins ásamt skýrslum löggilts endurskoðanda og félagskjörinna skoðunarmanna fyrir síðastliðið ár, lagðir fram til staðfestingar.
4. Skýrsla um starfsemi siðanefndar.
5. Starfs- og fjárhagsáætlun stjórnar samþykkt fyrir næsta starfstímabil.
6. Lagabreytingar.
7. Kosning stjórnarmanna skv. 10.gr laga félagsins.
8. Kosning tveggja félagskjörinna skoðunarmanna og tveggja til vara. 
9. Kosning siðanefndar. 
10. Önnur mál.

Kosningarétt og kjörgengi á fundinum hafa þeir sem borgað hafa félagsgjald 2018, að lágmarki fimm virkum dögum fyrir fundinn. Greiðsluseðlar voru sendir til félagsmanna í byrjun janúar 2018. Þá er hægt að hafa samband við skrifstofu til að ganga frá greiðslu.
Í framboði í stjórnarkjöri eru Auður Sif Sigurgeirsdóttir, Kjartan Antonsson, og Þorsteinn Thorsteinson. Í framboði til varastjórnar er Guðbjörg Guðmundsdóttir. Kjartan Antonsson býður sig fram til vara í varastjórn nái hann ekki kjöri í aðalstjórn. 
Endurskoðaðir reikningar munu liggja frammi á skrifstofu félagsins 5 dögum fyrir aðalfund og jafnframt sendir öllum félagsmönnum á tölvupóstlista.
Erindi sem fundarmenn vilja bera undir fundinn undir liðnum önnur mál skulu vera skrifleg og hafa borist stjórn HRFÍ fimm dögum fyrir aðalfund. Slíkar tillögur um önnur mál liggja frammi á skrifstofu og á heimasíðu félagsins næsta virka dag eftir að þær berast.

Stjórn Hundaræktarfélags Íslands

Stefanía Björgvinsdóttir hefur hafið störf á skrifstofu félagsins en hún tekur við starfi Ernu Ómarsdóttur sem heldur á ný mið. Stefanía hefur verið "í hundunum" frá barnsaldri en hún situr nú í stjórn Íþróttadeildar og hefur verið öflug á sýningum félagsins. Stefanía er mjög virk í fjölbreyttu starfi félagsins og hefur tekið þátt í t.d. í hundafimi og beituhlaupum til margra ára. Hún er einnig hundafimidómari. Við hlökkum til að njóta krafta hennar á skrifstofunni og bjóðum hana hjartanlega velkomna til starfa.