​Samkvæmt 10. gr. laga HRFÍ ber að kjósa árlega tvo meðstjórnendur og einn varamann til setu í stjórn félagsins.
 
Við lok framboðsfrests þann 30. mars sl. höfðu tveir frambjóðendur gefið kost á sér til til kjörs meðstjórnanda og einn frambjóðandi til kjörs varamanns.
Af því sama leiðir að sjálfkjörið er í þessi sæti á aðalfundi 2020 og því verður ekki haldin atkvæðagreiðsla utan kjörfundar samkvæmt 4. mgr. 10. gr. laga félagsins. 
 
Reykjavík  29. maí 2020
Kjörstjórn á aðalfundi HRFÍ 2020

Ari Karlsson, Erna Sigríður Ómarsdóttir, Jónas Fr. Jónsson

Aðalfundur Hundaræktarfélags Íslands verður haldinn miðvikudaginn 10. júní 2020 og hefst kl. 20.00.
Stjórn HRFÍ boðar til aðalfundar í félaginu sem haldinn verður í hátíðarsal Verslunarskóla Íslands, bláa sal og hefst kl. 20:00.

Dagskrá:
1.   Skipan fundarstjóra, fundarritara og lögmæti fundarins kannað
2.   Skýrsla stjórnar HRFÍ
3. Ársreikningar félagsins ásamt skýrslum löggilts endurskoðanda og félagskjörinna skoðunarmanna fyrir       síðastliðið ár, lagðir fram til staðfestingar
4.   Skýrsla um starfsemi siðanefndar
5.   Starfs- og fjárhagsáætlun stjórnar samþykkt fyrir næsta starfstímabil
6.   Lagabreytingar
7.   Kosning stjórnarmanna skv. 10.gr laga félagsins.
8.   Kosning tveggja félagskjörinna skoðunarmanna og tveggja til vara 
9.   Kosning siðanefndar 
10. Önnur mál

Kosningarétt og kjörgengi á fundinum hafa þeir sem borgað hafa félagsgjald sitt fyrir 2020, að lágmarki fimm virkum dögum fyrir fundinn.  Greiðsluseðlar vegna félagsgjalds 2020 voru sendir til félagsmanna í byrjun árs 2020. Þá er hægt að hafa samband við skrifstofu til að ganga frá greiðslu.

Í framboði í stjórnarkjöri eru:

Aðalstjórn: Auður Sif Sigurgeirsdóttir, Guðbjörg Guðmundsdóttir
Varastjórn:  Anna Guðjónsdóttir
Endurskoðaðir reikningar munu liggja frammi á skrifstofu félagsins 5 dögum fyrir aðalfund og jafnframt sendir öllum félagsmönnum á tölvupóstlista.

Erindi sem fundarmenn vilja bera undir fundinn undir liðnum önnur mál skulu vera skrifleg og hafa borist stjórn HRFÍ fimm dögum fyrir aðalfund.  Slíkar tillögur um önnur mál liggja frammi á skrifstofu og á heimasíðu félagsins næsta virka dag eftir að þær berast. 

Stjórn Hundaræktarfélags Íslands

​Ágætu félagsmenn,
Í ljósi þeirra aðstæðna sem eru uppi í þjóðfélaginu í dag treystir stjórn sér ekki til að boða til aðalfundar vegna erfiðleika við að virða reglur um samkomutakmörkun fyrr en eftir 25. maí þegar frekari upplýsingar hafa komið frá Almannavörnum ríkisins.   
Aðalfund skal halda í maí eða apríl og skal boða til hans með 10 daga fyrirvara. Í ljósi ofangreinds verður tekin ákvörðun um dagsetningu aðalfundar í síðustu vikunni í maí og hann haldinn eins fljótt þar á eftir og kostur er.

​Frá og með deginum í dag, 4. maí, verður afgreiðsla skrifstofu opin milli kl. 10 og 12 alla virka daga. Síminn er að sjálfsögðu áfram opinn milli kl. 10-15 og hvetjum við félagsmenn áfram til að nýta síma og tölvupóst framar heimsóknum ef hægt er. Einnig hefur verið opnað fyrir bókanir á skrifstofu og Sólheimakoti en er það alfarið á ábyrgð fundahaldara að virða reglur sóttvarnarlæknis sem eru í gildi á hverjum tíma.