Klara Símonardóttir hefur dregið framboð sitt til formanns til baka og því verður sjálfkjörið í formannsembætti sem og stjórn félagsins á Aðalfundi Hundaræktarfélags Íslands þ. 31.5.2021
 
Kjörstjórn HRFÍ þ. 25.5.2021
Ari Karlsson
Erna Ómarsdóttir
Jónas Fr. Jónsson

Aðalfundur Hundaræktarfélags Íslands verður haldinn mánudaginn 31. maí 2021 og hefst kl. 20.00.
Stjórn Hrfí boðar til aðalfundar í félaginu sem haldinn verður í Verslunarskóla Íslands, bláa sal og hefst kl. 20:00.

Dagskrá:
1.   Skipan fundarstjóra, fundarritara og lögmæti fundarins kannað
2.   Skýrsla stjórnar HRFÍ
3.   Ársreikningar félagsins ásamt skýrslum löggilts endurskoðanda og félagskjörinna skoðunarmanna fyrir síðastliðið ár, lagðir fram til staðfestingar
4.   Skýrsla um starfsemi siðanefndar
5.   Starfs- og fjárhagsáætlun stjórnar samþykkt fyrir næsta starfstímabil
6.   Lagabreytingar
7.   Kosning formanns og stjórnarmanna skv. 10.gr laga félagsins.
8.   Kosning tveggja félagskjörinna skoðunarmanna og tveggja til vara 
9.   Kosning siðanefndar 
10. Önnur mál
      -Tillaga stjórnar um að selja fasteign Síðumúla 15 lögð fram til samþykktar félagsmanna, enda skal bera allar meiriháttar fjárskuldbindingar undir félagsfund samkvæmt 13. gr. laga Hrfí.
 
Kosningarétt og kjörgengi á fundinum hafa þeir sem borgað hafa félagsgjald sitt fyrir 2021, að lágmarki fimm virkum dögum fyrir fundinn.  Greiðsluseðlar vegna félagsgjalds 2021 voru sendir til félagsmanna í lok árs 2020. Þá er hægt að hafa samband við skrifstofu til að ganga frá greiðslu.

Í framboði í stjórnarkjöri eru:
Formaður: Daníel Örn Hinriksson
Aðalstjórn: Helga Kolbeinsdóttir, Maríanna Gunnarsdóttir
Varastjórn:  Anna María Ingvarsdóttir

Endurskoðaðir reikningar munu liggja frammi á skrifstofu félagsins 5 dögum fyrir aðalfund og jafnframt sendir öllum félagsmönnum á tölvupóstlista.

Erindi sem fundarmenn vilja bera undir fundinn undir liðnum önnur mál skulu vera skrifleg og hafa borist stjórn HRFÍ fimm dögum fyrir aðalfund.  Slíkar tillögur um önnur mál liggja frammi á skrifstofu og á heimasíðu félagsins næsta virka dag eftir að þær berast. 

Stjórn Hundaræktarfélags Íslands

Þar sem júní sýningu félagsins hefur verið aflýst, sjá nánar hér, verður haldin hvolpasýning þann 12. júní á Víðistaðatúni í staðinn! Á hvolpasýninguna er hægt að skrá hvolpa á aldrinum 3-9 mánaða, allar tegundir eru velkomnar og íslenskir dómarar munu dæma. Endanlegt skipulag mun taka mið af þeim fjöldatakmörkunum sem verða í gildi þegar sýningin verður haldin. Fjöldatakmarkanir gætu því valdið því að dreifa þurfi skráningunum á tvo daga og verður þá skráningum skipt upp á dagana 12. og 13. júní.
Keppni ungra sýnenda verður einnig haldin á hvolpasýningunni, þar geta ungir sýnendur á aldrinum 10-17 ára tekið þátt. Keppnin gildir til stiga um sýningahæstu ungu sýnendur ársins. Dómari verður Guðrún Dögg Sveinbjörnsdóttir.
Skráning hefur verið opnuð og má skrá á sýninguna hér, skráningu lýkur 6. júní  á miðnætti – tökum daginn frá, skráum hvolpinn okkar og eigum skemmtilegan dag saman í sól og sumaryl í júní!
Fyrir þá sem vantar leiðbeiningar með skráningu má finna góðar leiðbeiningar hér (efsta myndbandið).

Vegna Covid sér félagið sér ekki annað fært en að aflýsa sýningu sem átti að halda 12.-13. júní.
​Stefnt er að því halda stórglæsilega sýningu í ágúst. Félagið mun standa fyrir hvolpasýningu með íslenskum dómurum 12. júní.