Síðasti skiladagur á deildafréttum fyrir vorblað Sáms er mánudagurinn 14. júlí nk. Það sama gildir um skil á myndum af nýjum meisturum.

Deildarfréttir skulu ekki vera lengri en 1 bls. í Word í 12 punkta letri (arial/times new roman/calibri). Vinsamlegast gætið að samræmi þegar kemur að skammstöfunum (BOB, BOS, ISCh, C.I.B. o.s.frv.). Ein mynd má fylgja fréttum frá hverri deild.

Munið að láta myndartexta fylgja með myndinni neðst í Word-skjalinu.

Vinsamlegast komið þessum pósti áleiðis til réttra aðila ef þið eruð ekki lengur í forsvari fyrir deildina.

Bestu kveðjur,

Auður Sif Sigurgeirsdóttir, ritstjóri Sáms

Netfang: auja83@gmail.com

Keppni ungra sýnenda fer fram í Víðidal, fimmtudaginn 19. júní kl. 19.00.

Frítt inná svæðið!

Dómari verður Pernilla Lindström frá Svíþjóð en hún hefur náð ótrúlega góðum árangri sem sýnandi og m.a. unnið sænsku úrslitin í ungum sýnendum tvisvar, unnið Nordic Winner bæði einstaklings og liðakeppnina, varð í öðru sæti á CRUFTS og verið í hópi 6 bestu.

Helgina 21. – 22. júní mæta 1475 hreinræktaðir hundar af 86 hundategundum í dóm á tvöfaldri hundasýningu Hundaræktarfélags Íslands. Sýningarnar eru haldnar undir beru lofti í Víðidal og hefjast dómar kl. 9:00 árdegis báða daga og standa fram eftir degi. Áætlað er að úrslit hefjist 15:30 á laugardegi og 16:30 á sunnudegi og þá kemur í ljós hvaða hundar bera af að mati dómara. Megintilgangur hundasýninga er að meta hundana út frá ræktunarmarkmiði hvers kyns og leiðbeina ræktendum þannig í starfi sínu.

10 dómarar frá Svíþjóð, Íslandi, Danmörku, Írlandi, Ungverjalandi og Pólandi dæma í níu sýningarhringjum samtímis.
 
Gestum gefst kostur á að kynnast hundum og ræða við hundeigendur og sýnendur, auk þess sem á staðnum er fjöldinn allur af sölu- og kynningabásum þar sem ýmis tilboð verða í gangi.  Íþróttadeild HRFI mun verða með kynningu og bronspróf í Hundafimi á laugardeginum um kl.15 þar sem áhugasömum er velkomið að spreyta sig.

Áhorfendum er leyfilegt að koma með sína eigin stóla og tjöld og sitja við sýningahringi. Sérstakt svæði verður fyrir tjöld, húsbíl, tjaldvagna og fellihýsi fyrir þá sem kjósa að gista á staðnum, salerni verður á staðnum en því miður ekki rafmagn.  Vinsamlega athugið að tjöld inná sýningasvæðinu sjálfu mega ekki vera stærri en 3m x 3m og þau verða að vera staðsett minnst 5 metrum frá sýningahringjum.

Veitingarsala og salerni verða í veislusal reiðhallarinnar í Víðidal, góð tilboð alla helgina.  
  
Hér má sjá dagskrá RW-14 sýningarinnar -  Ný dagskrá!
Hér má sjá dagskrá Alþjóðlegu sýningarinnar

Dagskrá í úrslitum: Laugardagur og sunnudagur

Sýnendur vinsamlega athugið: Sýninganúmer verða afhent á staðnum.


Hér má sjá kort af svæðinu: 

Skapgerðarmat verður haldið í Sólheimakoti, laugardaginn 14. júní, síðasti skráningardagur í matið er þriðjudagurinn 10. júní.  Skráning fer fram á skrifstofu HRFÍ í síma 588-5255.

Sem fyrr komast færri að en vilja svo við bendum fólki á að pannta sér tíma sem fyrst.