Vinsamlega athugið að skrifstofa félagsins verður lokuð vegna sumarleyfa frá mánudeginum 24. júní en opnar aftur þann 15. júlí  
Hægt er senda okkur tölvupóst á hrfi@hrfi.is en póstur telst móttekinn þann dag sem hann berst. Pappírum er hægt að ýta undir hurðina í Síðumúla.    

Nú um helgina 14.-16. júní fer Evrópusýningin fram í borginni Wels í Austurríki. Hundaræktarfélag Íslands á þar einstaklega frambærilegan fulltrúa í keppni ungra sýnenda en hún Lovísa Helenudóttir mun keppa fyrir okkar hönd á sunnudeginum. Lovísa varð annar stigahæsti ungi sýnandi ársins 2018. 
Við fylgjumst stolt með Lovísu og vitum að hún á eftir að standa sig með mikilli prýði. 

Föstudaginn 7. júní verður lokað á skrifstofunni vegna sýningar.
​Einnig verður skrifstofan lokuð 10. og 11. júní. 
Hægt er að skila pappírum með því að ýta þeim undir hurðina eða senda okkur tölvupóst á hrfi@hrfi.is og teljast gögn móttekin þann dag sem þau eru send inn.

Næstu helgi, 8.-9. júní, verður fyrri tvöfalda útisýning sumarsins haldin á Víðistaðatúni í Hafnarfirði. Skráning á sýninguna gekk frábærlega en skráðir eru tæplega 1.400 hundar sem munu etja kappi á þessum tveimur sýningum!
Á laugardeginum er Reykjavík Winner og NKU Norðurlandasýning en alþjóðleg sýning fer fram á sunnudeginum. Allir dómhringir byrja kl. 9:00 báða daga og áætlað að úrslit hefjist kl. 14:00 og standi til u.þ.b. kl. 17:00.
Dómarar helgarinnar verða: Ann Carlström (Svíþjóð), Birgitta Svarstad (Svíþjóð), Carsten Birk (Danmörk), Gunnar Nymann (Danmörk), Jadranka Mijatovic (Króatía), Paul Scanlon (Írland), Péter Harsányi (Ungverjaland), Roxana Liliana Birk (Danmörk), Tanya Ahlman-Stockmari (Finnland) og Terje Lindström (Noregur).
​
Keppni ungra sýnenda fer fram á laugardeginum og dómari verður Þórkatla Lunddal Friðriksdóttir. Að þessu sinni eru 18 ungmenni skráð. Keppni hefst kl. 12:30 á yngri flokki og verður í úrslitahringnum.

Hér er hægt að sjá dagskrá og PM (dagskrá hringja)

Hér má finna umsagnir, niðurstöður og sýningaskrár sýninganna

Uppsetning sýningar fer fram á föstudeginum 7. júní. Ekki verður heimilt að tjalda á túninu fyrr en uppsetningu er lokið og leyfi hefur verið veitt, það er áætlað kl. 18 en gæti orðið seinna. Vinsamlegast athugið að tjöld við sýningarhringi mega ekki vera stærri en 3m x 3m og þau verða að vera staðsett minnst 2 metrum frá sýningahringjum. Stærri tjöldum má tjalda fjarri sýningarhringjum. Við minnum á að umgengni um svæðið þarf að vera til algjörrar fyrirmyndar og hvetjum við félagsmenn til að nýta sér ruslafötur á svæðinu. ​
Vinsamlegast skoðið myndina hér að neðan hvar má tjalda, en fyrirkomulagið er breytt frá því í fyrra.

Skipulag svæðisins og hringja má sjá hér að neðan, hægt er að smella á myndina til að sjá hana stærri