Á afmælishátíð HRFI fimmtudagskvöldið 4.sept nk verður boðið uppá fjölbreytta fyrirlestra í veislusalnum í Víðidal (annari hæð).  Fyrirlestrarnir eru opnir öllum meðan húsrúm leyfir, aðgangur er ókeypis.

Kl.17.30 Monika Karlsdóttir - PAT hvolpatest

Kl.18.00 Sigríður Bílddal - Hvernig nýtist skapgerðamat í ræktun

Kl.18.30 Nanna Lovísa Zophoniasdóttir -  Hundanudd

Kl.19.00 Herdís Hallmarsdóttir -  Hlutverk sýningadómara

Kl.19.30 Lísa Bjarnadóttir  dýralæknir, sníkjudýr í/á hundum. Ticks og fl. 

Kl.20.00 Saija Juutilainen frá Finnlandi - Judging/breeding 

Kl.21:00 Kolbrún Arna Sigurðardóttir - Dýrahjúkrun

Kl.21.30 Sigurður Ben Björnsson - Veiðipróf

Kl.22.00 Húsið lokar

Sýningastjórn tilkynnir með gleði að The Kennel Club hafa samþykkt að septembersýningar Hundaræktarfélagsins gefa núna keppnisrétt á Crufts.  Crufts er ein elsta og þekktasta hundsýning í heimi sem fer fram í Birmingham Englandi ár hvert og aðeins hundar sem hafa áunnið sér keppnisrétt geta tekið þátt.   Þeir hundar sem verða besta tík og besti rakki ásamt besta ungliða (tík og rakka) á sýningunni 6-7.september hafa því áunnið sér þennan rétt.   Hundaræktarfélagið mun halda utan um hvaða hundar hafa áunnið sér keppnisrétt og gefa út staðfestingu fyrir þá hunda sem verða skráðir á Crufts. 

Tilkynning frá Garðheimum:

Undirbúningur undir fyrstu kynninguna er nú þegar í fullum gangi.

Á næstu vikum verða Dýradagar Garðheima á eftirfarandi helgum

• Dýradagar – Smáhundar 20 - 21 sep. 
• Dýradagar – Stórir hundar 27 - 28 sep.

Næstu Dýradagar eru að bresta á. Nú er um að gera að tilkynna sína tegund strax. Hressir og jákvæðir hundar mæta og skarta sýnu fegursta.  Ekkert eftir nema tryggja að “þín tegund” verði með.  Þeir sem vilja kynna sína tegund að hafa samband við tengiliði eða stjórnarmenn sinnar deildar.  Stjórnir eða tengiliðir viðkomandi deilda skipuleggja sín svæði og raða hundum niður á tíma.

Endilega látið mig vita sem fyrst hvaða tegundir geta verið með á emil@gardheimar.is. Því fleiri því betra. Við höfum haft þann sið undanfarin ár að veita sýnendum 20% afslátt af öllum vörum Garðheima sýningarhelgina.  Þetta gildir um allar vörur nema tilboðsvörur.

Fimmtudagskvöldið 4.sept höldum við uppá 45. ára afmæli HRFI með veglegri afmælishátíð í Víðidalnum, endilega takið því kvöldið frá. 
Dagskrá verður birt síðar, en um að gera fyrir kappsmikla foreldra að fara að æfa börnin sín, því keppt verður í ungum sýnendum 0-3 ára (má leiða), 4-5 ára og 6-9 ára, og eins verður brospróf í hlýðni fyrir börn 12 ára og yngri og allir krakkar sem taka þátt fá verðlaunapening.

Það kostar ekkert að taka þátt en skrá þarf í allar keppnir á skrifstofu HRFI fyrir 29.ágúst.

Erum búin að opna fyrir skráningu í hlýðniþrautakeppni (Rally) fyrir börn á afmælishátíðinni fimmtudagskvöldið 4.september í samvinnu við Íþróttadeild HRFI.  Dómari verður Monika Karlsdóttir.  Keppninni er skipt upp í þrjú erfiðleikastig eftir aldri, hundarnir eru í taumi allan tímann og nota má nammi.  Allir þáttakendur fá verðlaunapening fyrir þáttökuna og stigahæstu fá bikar. 

8 ára og yngri. * (hér má fullorðinn aðstoða, en þó ekki gefa neinar skipanir)
Ganga í taum, ganga með hundinn á hæl á milli þriggja keila, beygja til hægri, beygja til vinstri, standa eða sitja.

9-12 ára *
Ganga í taum, ganga með hundinn á hæl á milli þriggja keila, beygja til hægri, beygja til vinstri, standa, sitja, liggja.

13-16 ára *
Ganga í taum, ganga með hundinn á hæl á milli fimm keilna, beygja til hægri, beygja til vinstri, heilsnúningur (snúa með hund í hring), standa, sitja, liggja, hoppa yfir hindrun (í lægstu stöðu).

*árið gildir

Það kostar ekkert að taka þátt en skrá þarf þarf á skrifstofu HRFI fyrir föstudaginn 29.ágúst. 

Skrifstofan Hundaræktarfélagsins er lokuð föstudaginn 22.ágúst vegna augnskoðunar í Sólheimakoti.