Kæru sýnendur og gestir
​
Veðurspáin gæti verið betri á morgun, sunnudag, gul veðurviðvörun er frá kl. 15 en þá er gert ráð fyrir að bæti verulega í vind, auk rigningar. Við vonum það besta, en til öryggis höfum ákveðið að gera nokkrar skipulagsbreytingar á úrslitum, auk þess sem dómum í tegundarhringjum verður hraðað eins og kostur er. Markmiðið er að ná að ljúka sýningunni áður en veðrið skellur á. Við biðjum sýnendur að athuga vel breytingar á dagskrá úrslita.

Úrslit munu fara fram í tveimur hringum samtímis, BIS-hring og sameinuðum hringum 1 og 2 (Aukahringur) sbr. mynd.

Myndataka af sigurvegurum verður á svæði merkt X, eftir úrslit fylgir dómari sigurvegurum þangað svo næsti dagskrárliður geti hafist i hringnum.

Við áætlum að byrja úrslit kl. 12.30 og dagskrá verður sem hér segir:

UPPFÆRT 24.08.2019: Áríðandi tilkynning vegna breytinga á skipulagi sýningar 25. ágúst!
​
Næstu helgi, 24.-25. ágúst, er komið af 50 ára afmælissýningu félagsins sem verður haldin hátíðleg á Víðistaðatúni í Hafnarfirði. Skráning á sýninguna gekk vonum framar en skráðir eru rétt tæplega 1.400 hundar sem munu etja kappi á þessum tveimur sýningum!
Á laugardeginum er NKU Norðurlandasýning en alþjóðleg sýning fer fram á sunnudeginum. Allir dómhringir byrja kl. 9:00 báða daga. Á sunnudeginum verður boðið upp á dásemdar afmælisköku!
Dómarar helgarinnar verða: Ann Ingram (Írland), Arne Foss (Noregur), Eeva Rautala (Finnland), Francesco Cochetti (Ítalía), Jochen Eberhardt (Þýskaland), Jouko Leiviskä (Finnland), Karl Erik Johansson (Svíþjóð), Ralph Dunne (Írland), Sonny Ström (Svíþjóð) og Tomas Rohlin (Danmörk).
Keppni ungra sýnenda fer fram á laugardeginum og dómari verður Angela Lloyd frá Bandaríkjunum. Að þessu sinni eru 27 ungmenni skráð. Keppni hefst kl. 12:15 á yngri flokki og verður í úrslitahringnum.

UPPFÆRT 24.08.2019: Áríðandi tilkynning vegna breytinga á skipulagi sýningar 25. ágúst!

Hér er hægt að sjá dagskrá og PM (dagskrá hringja)

Hér má finna umsagnir, niðurstöður og sýningaskrár sýninganna

Uppsetning sýningar fer fram á föstudeginum 23. ágúst. Ekki verður heimilt að tjalda á túninu fyrr en uppsetningu er lokið og leyfi hefur verið veitt, það er áætlað kl. 17. Vinsamlegast athugið að tjöld við sýningarhringi mega ekki vera stærri en 3m x 3m og þau verða að vera staðsett minnst 3 metrum frá sýningahringjum. Stærri tjöldum má tjalda fjarri sýningarhringjum. Við minnum á að umgengni um svæðið þarf að vera til algjörrar fyrirmyndar og hvetjum við félagsmenn til að nýta sér ruslafötur á svæðinu. ​
Vinsamlegast skoðið myndina hér að neðan hvar má tjalda, en fyrirkomulagið er breytt frá því í fyrra en svipað því sem var á júnísýningunni.

Skipulag svæðisins og hringja má sjá hér að neðan, hægt er að smella á myndina til að sjá hana stærri

Nóg er af bílastæðum og eru þau sem næst eru merkt inn á myndina hér að neðan en þau dreifast á nokkur svæði í kringum túnið. Við biðjum félagsmenn að gæta að því að leggja ekki í íbúastæði eða ólöglega. 

Yfirlit yfir bílastæði má sjá hér að neðan, hægt er að smella á myndirnar til að sjá þær stærri.

​Svæði I eru stæðin með fram Flókagötu milli bílasvæða F og G.
Salerni er á svæðinu, grill sem hægt er nýta og nóg af ruslafötum en einnig er ruslagámur og flöskusöfnun fyrir skáta á svæðinu. Félagsmenn eru hvattir til að ganga vel um svæðið og gæta að því að hreinsa upp eftir hundana ásamt því að hirða eftir sig allt rusl. Mjög gott tjaldsvæði er á túninu ef fólk vill gista en skátafélagið Hraunbúar sjá um og reka tjaldsvæðið.  Svæðið er vaktað yfir nóttina en Hundaræktarfélag Íslands tekur enga ábyrgð á verðmætum sem kunna að vera skilin eftir. 

Gestum gefst kostur á að kynnast hundum og ræða við hundaeigendur, ræktendur og sýnendur. Íþróttadeild mun sjá um sjoppuna og einnig verður fjöldi sölu- og kynningabásar á staðnum með ýmis tilboð og hvetjum við ykkur til að kíkja á sölubása. Félagið verður einnig með rósettur af öllum stærðum og gerðum til sölu til að fagna góðum árangri.

Vinsamlega athugið að ​lausaganga hunda á svæðinu er stranglega bönnuð og skulu allir hundar vera í taumi og á eru þeir alfarið á ábyrgð eigenda sinna. Við hvetjum félagsmenn til að virða reglur og samþykktir varðandi hundahald.

​Nú fer að koma að 50 ára afmælissýningunni okkar sem verður haldin helgina 24.-25. ágúst nk. á Víðistaðatúni í Hafnarfirði. Skráning á sýninguna gekk vonum framar og en skráðir voru rétt tæplega 1.400 hundar á tvær sýningar. Á laugardeginum verður NKU sýning og á sunnudeginum verður alþjóðlega sýningin. Dómar hefjast í öllum hringjum kl. 9. Keppni ungra sýnenda hefst kl. 12:15 á yngri flokki í úrslita hringnum.
Hér fyrir neðan má sjá dagskrá hringja á sýningunni – ATH. að þessi dagskrá er birt með fyrirvara um breytingar á röðun tegunda inn í hring.
Vekjum athygli á að einhverjar breytingar hafa orðið á útgefinni dómaraáætlun sem er annars vegar vegna skráningar og hins vegar á sunnudegi vegna þess að dómurum láðist að geta þess við okkur að þeir mættu ekki dæma ákveðnar tegundir vegna regla World Dog Show þar sem þeir dæma þessar tegundir þar, um er að ræða Chihuahua og Border collie.

​Hér fyrir neðan eru upplýsingar (PM/Promemoria) um dagskrá allra hringja á sýningunum 24.-25. ágúst og fjölda skráðra hunda í tegund/flokkum svo sýnendur sérstaklega í fjölmennum tegundum eigi betra með að átta sig á fjölda hunda á undan sér í dómhring.
Sýningastjórn birtir ekki lengur áætlaða tímasetningu þar sem það er mjög misjafnt hvað dómarar eru lengi að dæma, en almennt má gera ráð fyrir 15-25 hundum pr. klst.  Það er alfarið á ábyrgð sýnanda að vera komin tímanlega.

Skammstafanir í PM: 
BAK - Hvolpar 4-6 mánaða
HVK - Hvolpar 6-9 mánaða
JK - Ungliðaflokkur
MK - Unghundaflokkur
AK - Opinn flokkur
BK - Vinnuhundaflokkur
CHK - Meistaraflokkur
​VK - Öldungaflokkur