Helgina 11.-13. nóvember mun félagið standa fyrir tvöföldum viðburði í Reiðhöllinni í Viðidal.  Við byrjum á hvolpasýningu fyrir hvolpa á aldrinum 3.-9. mánaða á föstudagskvöldi og alþjóðlegri sýningu, laugardag og sunnudag.
Dómarar helgarinnar verða Svend Løvenkjær (Danmörk), Irina V. Poletaeva (Finnland), Svante Frisk (Svíþjóð), Rafael Malo Alcrudo (Spánn) og George Schogol (Georgíu).

​​Síðasti skráningadagur er 30. september á fyrsta skráningafrest (Gjaldskrá 1) sem jafnframt er síðasti dagur til að skila umskráningum og gotskráningum ef þeir hundar eiga að ná inná sýningarnar.

Síðasti skráningafrestur er 14.október á seinni skráningafresti (Gjaldskrá 2)

Sýningastjórn hefur ákveðið að nefna dómara fyrir nokkrar tegundir. Tilgreindar eru stórir tegundahópar og þær tegundir sem dómari er m.a. sérfræðingur í eða vegna réttinda þarf augljóslega að taka. Fyrirvari er gerður að því leyti, að forfallist dómari, eru aðrir auglýstir dómarar til vara, auk þess sem sýningastjórn HRFÍ áskilur sér rétt til að finna nýjan dómara til vara, ef fjöldi skráðra hunda gerir það nauðsynlegt.

Tegundahópar munu skiptast eftirfarandi:
Laugardagur 12.nóvember: 2, 5 ,7, 8 og 10
Sunnudagur 13.nóvember: 1, 3, 4/6 og 9
 
 
Tegundahópur 1.
Collie (báðar feldgerðir): George Schogol
Shetland Sheepdog:  Irina V. Poletaeva
Australian Shepherd: George Schogol
Schäfer, báðar feldgerðir: Irina V. Poletaeva
 
Tegundahópur 2.
Miniature schnauzer (allir litir): Irina V. Poletaeva
Schnauzer (báðir litir): Irina V. Poletaeva
Dobermann: Irina V. Poletaeva
Leonberger: George Schogol
St. Bernards (báðar feldgerðir): George Schogol
Boxer: George Schogol
 
Tegundahópur 3.
Svante Frisk
 
Tegundahópur 5.
Ísl.fjárhundur: Svend Løvenkjær
 
Tegundahópur 8:
Labrador retriever: Rafael Malo Alcrudo
 
Tegundahópur 9:
Pug: Svend Løvenkjær
Chihuahua (báðar feldgerðir): Svend Løvenkjær
Cavalier Charles King spaniel: Rafael Malo Alcrudo
 
Tegundahópur 10:
Svend Løvenkjær

Verkefnastjóri - Hundaræktarfélag Íslands
Hundaræktarfélag Íslands óskar eftir að ráða verkefnastjóra
Leitað er að kraftmiklum og drífandi aðila í nýtt starf verkefnastjóra. Í boði er tækifæri til að starfa að fjölbreyttum og áhugaverðum verkefnum í lifandi og skemmtilegu umhverfi.

Helstu verkefni:

• Framkvæmd viðburða, s.s. hundasýningar, námskeið og fyrirlestrar.
• Rekstur á skrifstofu félagsins
• Umsjón með vefsíðu
• Útgáfa á mánaðarlegu fréttabréfi
• Hagsmunagæsla fyrir hundaeigendur í samræmi við stefnu og ákvarðanir stjórnar
• Að auki sinnir verkefnastjóri öðrum tilfallandi verkefnum

Hæfniskröfur

• Frumkvæði og drifkraftur
• Góð samskiptahæfni
• Reynsla af stjórnun viðburða
• Rekstrar eða stjórnunarreynsla
• Gott vald á íslensku í töluðu og rituðu máli
• Einlægur áhugi á hundum væri mikill kostur

Hundaræktarfélag Íslands er félag allra hundaeigenda á Íslandi.  Félagið er aðili að alþjóðasambandi hundaræktarfélaga (f. Fédération Cynologieque Internationale – FCI) og Norrænum samtökum hundaræktarfélaga (NKU).  HRFÍ rekur skrifstofu sem er opin alla virka daga en skrifstofan er þjónustuaðili fyrir félagsmenn og hundaeigendur á Íslandi.
Nánari upplýsingar veitir Sverrir Briem - sverrir@hagvangur.is

Umsóknarfrestur til: 03. október 2016

Susanne Mølgaard Kaarsholm frá Danmörku mun koma og augnskoða fyrir félagið dagana 24.-26. nóvember  nk. á skrifstofu félagsins í Síðumúla 15 í Reykjavík  Augnskoðað verður frá kl.10.00 -16.00 fimmtudag til laugardag. 

Tímapantanir í augnskoðun fara fram á skrifstofu HRFÍ eða í síma 588-5255. Gefa skal upp ættbókarnúmer hunds og ganga frá greiðslu um leið og hundur er skráður.

Síðasti skráningardagur í augnskoðun er fimmtudagurinn 10.nóvember, eða fyrr ef allir tímar klárast og því biðjum við félagsmenn að vera tímalega að tryggja sér pláss.

Augnskoðun hunda kostar 6.100 fyrir virka félagsmenn.  Hundaeigendur, sem ekki eru félagsmenn í HRFÍ, en með hunda í ættbók HRFÍ, geta skráð sig í augnskoðun gegn hærra gjaldi þ.e. kr. 12.200. Hundar virkra félagsmanna ganga fyrir í augnskoðun.

Það er skylda hjá fjölmörgum hundategundum að niðurstaða augnskoðunar liggi fyrir hjá undaneldisdýrum fyrir pörun. Vinsamlegast kynnið ykkur sérreglur ræktundardeilda fyrir „ykkar" hundategund.

Dýralæknirinn augnskoðar hunda með tilliti til arfgengra sjúkdóma sem finnast í fjölmörgum hundategundum.

Úr lögum HRFÍ
•Áður en hundur er augnskoðaður, mjaðma- og/eða olnbogamyndaður, skal hann örmerktur (húðflúr). 
•Auk þess skulu hundar sem taka þátt í viðburðum á vegum félagsins t.d. sýningum, veiði- hlýðni og sporaprófum svo og skapgerðarmati, einnig vera örmerktir (húðflúr). 
•Þetta ákvæði gildir fyrir alla hunda, óháð fæðingardegi. 

​Nýr starfsmaður hefur hafið störf á skrifstofu félagsins, Erna Sigríður Ómarsdóttir hefur tekið við starfi Kristlaugar Gunnlaugsdóttur (Dótlu). 

HRFÍ býður Ernu hjartanlega velkominn til starfa .  Netfangið hennar verður erna@hrfi.is