Skrifstofa HRFÍ verður lokuð föstudaginn 15. nóv og mánudaginn 18. nóv vegna sýningar og augnskoðunar sem fara fram helgina 15-17. nóv í Klettagörðum 6, 104 Reykjavík.
 Helgina 16. – 17. Nóvember mæta 744 hreinræktaðir hundar af 83 hundategundum í dóm á alþjóðlegri hundasýningu Hundaræktarfélags Íslands. Sýningin er haldin í Klettagörðum 6 og hefjast dómar kl. 9:00 árdegis báða daga og standa fram eftir degi. Úrslit á báða hefjast um kl. 14:30 og þá kemur í ljós hvaða hundar bera af að mati dómara. Megintilgangur hundasýninga er að meta hundana út frá ræktunarmarkmiði hvers kyns og leiðbeina ræktendum þannig í starfi sínu.
Sex dómarar frá fimm löndum; Íslandi, Írlandi, Hollandi, Slóveníu og Finnland dæma í sex sýningarhringjum samtímis. Gestum gefst kostur á að kynnast hundum og ræða við hundeigendur og sýnendur, auk þess sem á staðnum er fjöldinn allur af sölu- og kynningabásum þar sem ýmis tilboð verða í gangi. Áhorfendum er leyfilegt að koma með sína eigin stóla og sitja við sýningahringi. Keppni ungra sýnenda Öflugt barna- og unglingastarf er starfrækt innan félagsins og að þessu sinni taka 26 ungmenni þátt í keppni ungra sýnenda, föstudagskvöldið 15. nóvember kl.20:00. Dómari í þeirri keppni er Tatjana Urek frá Slóvakíu. Hér má sjá dagskrá sýningarinnar Hér má sjá dagskrá úrslita báða dagana Kæru félagsmenn.
Síðasti skiladagur á deildafréttum fyrir jólablað Sáms er miðvikudagurinn 20. nóvember nk. Það sama gildir um skil á myndum af nýjum meisturum. Deildarfréttir skulu ekki vera lengri en 1 bls. í Word í 12 punkta letri (arial/times new roman/calibri). Vinsamlegast gætið að samræmi þegar kemur að skammstöfunum (BOB, BOS, ISCh, C.I.B. o.s.frv.) Munið að láta myndartexta fylgja með myndinni neðst í Word-skjalinu. Bestu kveðjur, Auður Sif Sigurgeirsdóttir, ritstjóri Sáms. VÍS og Hundaræktarfélag Íslands hafa endurnýjað samstarfssamning sinn. Félögin hafa um árabil átt farsæla samleið þar sem VÍS hefur stutt með markvissum hætti við starfsemi HRFÍ. Lögð er áhersla á að auka vitund landsmanna um ábyrgt hundahald og góða umönnun dýranna. Auka fræðslu um hunda, meðhöndlun þeirra og heilbrigði. Kostnaður við dýrahald getur rokið hratt upp ef ferfætlingurinn veikist eða lendir í slysi. Því býður VÍS fjölbreytt framboð trygginga fyrir hunda sem ver eigendurna fyrst og fremst fyrir fjárhagslegu tjóni líkt og aðrar tryggingar. „Okkur er umhugað um velferð dýranna og VÍS kappkostar að aðstoðar dýralæknis sé leitað strax, óháð stað og stund, ef dýr lendir í alvarlegum hremmingum. Með sjúkrakostnaðartryggingu greiðir félagið aukakostnað sem til fellur vegna dýralæknaþjónustu utan hefðbundins vinnutíma,“ segir María Hrund Marinósdóttir markaðsstjóri VÍS sem skrifaði undir samninginn ásamt Fríði Esther Pétursdóttur framkvæmdastjóra HRFÍ. Fríður segir samstarfið mikilvægt fyrir sitt félag. „Öflugur bakhjarl er forsenda fjölbreyttrar starfsemi Hundaræktarfélagsins. VÍS hefur svo sannarlega veitt okkur gott liðsinni þar.“  Vegna bilunar á netkerfi símans liggur allt net niðri á skrifstofu félagsins og ekki er vitað nákvæmlega hvenær við fáum netið upp aftur. Þjónusta verður því að skornum skammti í dag og biðjumst við velvirðingar á því. Vegna þessara vandamála hefur skráningafrestur í augnskoðun hefur verið framlengdur framyfir helgi.
|