Nú er sýningarárið 2016 á enda og lauk því með flottri Winter-Wonderland sýningu sem varð jafnframt stærsta sýning ársins. Þar mættu 160 hvolpar af 38 tegundum í dóm föstudagskvöldið 11. nóvember ásamt 29 ungum sýnendum. Á alþjóðlegu sýningunni voru svo 612 hundar skráðir af 80 tegundum sem skiptust á dagana 12.-13. nóvember. Samtals mættu því 772 ferfætlingar yfir þrjá daga.
Dómarar sýningarinnar voru þau George Schogol frá Georgíu, Irina V. Poletaeva frá Finnlandi, Rafael Malo Alcrudo frá Spáni, Svante Frisk frá Svíþjóð og Svend Løvenkjær frá Danmörku. 

Á föstudagskvöldinu voru hvolpar dæmdir í fjórum hringjum samtímis en keppni ungra sýnenda var í fimmta hringnum og dæmdi Svante Frisk þá keppni.

Sigurvegari 3-6 mánaða hvolpa var íslenski fjárhunds hvolpurinn Snætinda Seigla í eigu Valentina Faggionato en ræktendur hennar eru Sunna Líf Hafþórsdóttir, Hafþór Snæbjörnsson og Unnur Sveinsdóttir.

Sigurvegari 6-9 mánaða hvolpa var íslenski fjárhunds hvolpurinn Stemma Rektorsdóttir frá Ólafsvöllum í eigu Guðríðar Þorbjargar Valgeirsdóttur en ræktandi hennar er Mette Pedersen. 

Óhætt er að segja að íslenski fjárhundurinn hafi slegið í gegn á sýningunni. Hundurinn sem kom sá og sigraði var íslenski fjárhundurinn Stefsstells Skrúður. Skrúður varð besti öldungur sýningar og besti hundur sýningar og toppaði með því að verða stigahæsti öldungur ársins. Skrúður er í eigu Vigdísar Elmu Cates en ræktandi hans er Stefanía Sigurðardóttir. 

Stigahæsti hundur ársins er afghan hound hundurinn Glitnir Vestri sem varð einnig annar besti hundur sýningar á sýningunni. Hann er í eigu Valdísar Vignisdóttur en ræktandi hans er Valgerður Júlíusdóttir.

Hér er hægt að nálgast úrslit sýningarinnar.
Hér er hægt að nálgast lista yfir stigahæstu hunda ársins.
Hér er hægt að nálgast lista yfir stigahæstu öldunga ársins.
Listi yfir stigahæstu ræktendur ársins er í vinnslu.
Á heimasíðu Ungmennadeildar HRFÍ má sjá úslit frá keppni ungra sýnenda og hverjir voru stigahæstu ungu sýnendur ársins.

Myndir frá sýningunni birtast á Facebook-síðu HRFÍ, unnið er að því að koma öllum myndum inn.

Skrifstofa HRFÍ verður lokuð í dag, mánudaginn 14. nóvember, vegna sýningar um helgina. Opnum aftur á morgun, þriðjudaginn 15. nóvember, kl. 10.

Hér má sjá fundargerð frá opnu húsi sem haldið var miðvikudagskvöldið 9. nóvember.

Reynt verður að bjóða upp á opna fundinn í kvöld í fjarbúnaði. Hlekkur inn á fundinn verður birtur á Facebook síðu félagsins um 19.30 í kvöld. Sjáumst vonandi sem flest. 

Alþjóðleg sýning - Winter Wonderland þema
​
Helgina 12.-13. nóvember mæta 611 hreinræktaðir hundar af 80 hundategundum í dóm á alþjóðlegri hundasýningu Hundaræktarfélags Íslands.

​Sýningin er haldin í reiðhöllinni í Víðidal og hefjast dómar kl. 9:00 árdegis báða daga og standa fram eftir degi. Áætlað er að úrslit á báða hefjast um kl. 14:00 og þá kemur í ljós hvaða hundar bera af að mati dómara. Megintilgangur hundasýninga er að meta hundana út frá ræktunarmarkmiði hvers kyns og leiðbeina ræktendum þannig í starfi sínu.
 
Afreks- og þjónustu hundar ársins verða kynntir á sunnudeginum fyrir úrslit. 
​
Fimm dómarar frá jafn mörgum löndum dæma í fimm sýningarhringjum samtímis.

Gestum gefst kostur á að kynnast hundum og ræða við hundeigendur og sýnendur, auk þess sem á staðnum er fjöldinn allur af sölu- og kynningabásum þar sem ýmis tilboð verða í gangi.
 
Ungmennadeild HRFÍ verður með veitingasölu á fyrstu hæð hjá miðasölu báða dagana.  

Hér má sjá dagskrá fyrir báða dagana og dagskrá úrslita. 

Hvolpasýning HRFÍ og Royal Canin ásamt keppni ungra sýnenda á föstudag

Öflugt barna- og unglingastarf er starfrækt innan félagsins og að þessu sinni taka 29 ungmenni þátt í keppni ungra sýnenda, föstudagskvöldið 11. nóvember í reiðhöllinni í Víðidal og hefst dómur kl.18:00 á yngri flokk. Svante Frisk frá Svíþjóð dæmir keppnina.
​
Á sama stað verður hvolpakeppni HRFÍ og Royal Canin, en alls keppa 160 hvolpar á aldrinum 3-9 mánaða af 38 mismunandi tegundum. Dómar hefjast kl.18.00 og munu standa fram eftir kvöldi en úrslit eru áætluð um kl. 21.00.
Hér má sjá dagskrá hvolpasýningar. 

​Ungmennadeild HRFÍ verður með létta veitingasölu inni í sal á hvolpasýningunni.

​Í fyrra opnaði vefurinn Flugeldahljóð gerð „örugg“, með hljóðskrám, hljóðstreymi og leiðbeiningum, svo að gæludýraeigendur gætu undirbúið gæludýrin fyrir flugeldabrjálæðið um áramótin.
Vefurinn hefur nú verið opnaður aftur. Notkun á lausninni er ókeypis.
Slóðin er á : http://www.flugeldahljod.com/
 
Tilgangurinn með því að setja upp vefinn var að gera eigendum gæludýra hér á landi kleyft að fara gegnum svokallaða habituation eða desensitization noise phobia therapy aðferð með gæludýrin án endurgjalds. Tilgangurinn var líka að reyna að fá fram reynslusögur (testimonaials) af því að nota þessar lausnir, en á vefnum er bæði boðið upp á „klassíska“ lausn, og svo nýjung sem hefur verið þróuð sem er í fimm hlutum, sem á að gera ferlið einfaldara, auðveldara, og öruggara.
Til þess að þetta beri sem bestan árangur fyrir dýrin er mikilvægt að hefja undirbúning áramótanna sem fyrst.