Lokað er í dag frá hádegi á skrifstofu vegna sýningar. Einnig er lokað mánudaginn 27.nóvember. 

Dómarinn, rithöfundurinn og lífskúnstnerinn Frank Kane mun halda námskeið fyrir félagsmenn HRFÍ þann 23. nóvember, kl. 19:30 í salnum á annarri hæð í reiðhöll Fáks í Víðidal. Á námskeiðinu mun Frank fara yfir byggingu og hreygingu hunda ásamt öðru á myndrænan og verklegan hátt. Hér má lesa meira um Frank Kane, þekkingu hans og reynslu. 
Skráning fer fram í tölvupósti á netfangið hrfi@hrfi.is og er þátttökugjald 3000 kr.
Vinsamlega leggið inn þátttökugjald á reikning félagsins í síðasta lagi mánudaginn 20. nóvember. Reikningsnúmer félagsins er: 515-26-707729 Kt. 680481-0249. 
​
Athugið að takmarkaður fjöldi er á námskeiðið og því mælum við með því að skrá sem allra fyrst. 

​Hjá Hundaræktarfélagi Íslands er laust til umsóknar 100% starf á skrifstofu félagsins.
Starfsmaðurinn, sem leitað er að mun koma að flestum þeim verkefnum sem skrifstofa félagsins hefur á sinni könnu í náinni samvinnu við verkefnastjóra. Þannig felur starfið meðal annars í sér almenn skrifstofustörf, undirbúning og framkvæmd viðburða (t.d. hundasýninga), umskráningu erlendra ættbóka, útgáfu ættbóka og annað sem til fellur.

Við leitum að einstaklingi sem;  

• er skipulagður og áreiðanlegur
• býr yfir góðri tölvuþekkingu og á auðvelt með að tileinka sér nýjungar
• hefur ríka þjónustulund og á auðvelt með samskipti
• hefur gott vald á íslensku og ensku í ræðu og riti
• hefur frumkvæði og getur tekið ábyrgð
• hefur áhuga á hundum og þekkingu á starfi félagsins​
  ​

Umsóknarfrestur er til og með 23. nóvember 2017 og skal umsóknum skilað á netfangið gudny@hrfi.is merkt „Skrifstofa HRFI“.  Umsóknum skulu fylgja starfsferilskrá og kynningarbréf.

Hér fyrir neðan eru upplýsingar (PM/Promemoria) um dagskrá allra hringja bæði á hvolpasýningunni 24. nóvember og á alþjóðlegu sýningu félagsins 25.-26. nóvember n.k. og fjölda skráðra hunda í tegund/flokkum svo sýnendur sérstaklega í fjölmennum tegundum eigi betra með að átta sig á fjölda hunda á undan sér í dómhring.

Sýninganefnd birtir ekki lengur áætlaða tímasetningu þar sem það er mjög misjafnt hvað dómarar eru lengi að dæma, en almennt má gera ráð fyrir 15-25 hundum pr. klst.  Það er alfarið á ábyrgð sýnanda að vera komin tímanlega.

Sjá dagskrá sýningar og úrslita hér.

Winter Wonderland sýning HRFÍ verður haldin helgina 24.-26. nóvember í reiðhöll Fáks í Víðidal. Glæsileg skráning er á sýninguna en samtals 831 hundur mætir í dóm yfir helgina.

Föstudagskvöldið 24. nóvember verður hvolpasýning Royal Canin sem hefst kl. 18.00, en þar keppa 161 hvolpur um titilinn “Besti hvolpur sýningar” í tveimur aldurs flokkum, 3-6 mánaða og 6-9 mánaða. Á sama tíma fer fram keppni ungra sýnenda þar sem 28 ungmenni eru skráð til leiks.

Alþjóðleg sýning fer svo fram á laugardag og sunnudag þar sem samtals 670 hundar mæta í dóm. Dómar munu hefjast kl. 9.00 báða daga og verður dæmt í fimm hringjum. Dómarar sýningar eru Frank Kane (Bretland), Gerard Jipping (Holland), Marija Kavcic (Slóvenía), Marie Thorpe (Írland) og Nils Molin (Svíþjóð).

Hér fyrir neðan má sjá dagskrá hringja á sýningunni - ATH. að þessi dagskrá er birt með fyrirvara um breytingar á röðun tegunda inn í hring.