Nú fer sýningarhelgin að hefjast hjá okkur og hér koma hlekkir inn á umsagnir, sýningaskrár og niðurstöður sem verða birt samstundis á netinu.


Hvolpasýning 23. nóvember: 

Sýningaskrá hvolpasýningar: https://www.hundeweb.dk/dkk/public/openIndex?ARTICLE_ID=126&UTID=180426
 
Umsagnir og niðurstöður: https://www.hundeweb.dk/dkk/public/openIndex?ARTICLE_ID=121&UTID=180426
 
Niðurstöður úr úrslitahring: https://www.hundeweb.dk/dkk/public/openIndex?ARTICLE_ID=57&UTID=180426  
 
 
​
Winter Wonderland sýning 24. og 25. nóvember:

Sýningaskrá: https://www.hundeweb.dk/dkk/public/openIndex?ARTICLE_ID=126&UTID=180424
 
Umsagnir og niðurstöður: https://www.hundeweb.dk/dkk/public/openIndex?ARTICLE_ID=121&UTID=180424
 
Niðurstöður úr úrslitahring: https://www.hundeweb.dk/dkk/public/openIndex?ARTICLE_ID=57&UTID=180424  

Dagsetningar fyrir augnskoðanir hafa verið ákveðnar. Skoðað verður fjórum sinnum í Reykjavík, þar af tvisvar í tengslum við sýningar félagsins í Víðidalnum, og einu sinni á Akureyri.
Skráning í augnskoðun hefst í janúar 2019. 
​Dagsetningar eru birtar með fyrirvara um breytingar.

Augnskoðun 21.-22. febrúar
Skrifstofu HRFÍ, Reykjavík
Dýralæknir: Jens Kai Knudsen.

Augnskoðun 23.-25. maí
23. maí á Akureyri, 24.-25. maí á skrifstofu HRFÍ, Reykjavík
Dýralæknir: Jens Kai Knudsen

Augnskoðun 05.-07. september
Skrifstofu HRFÍ, Reykjavík
Dýralæknir: Susanne Mølgaard Kaarsholm

Augnskoðun 23.-24. nóvember
Reykjavík - Víðidal, í tengslum við nóvembersýningu HRFÍ
Dýralæknir: Susanne Mølgaard Kaarsholm

Í dag fer fram Nordic Winner keppni ungra sýnenda í Noregi þar sem fulltrúar Hundaræktarfélagsins þær Bergdís Lilja Þorsteinsdóttir, Lovísa Líf Helenudóttir, Stefanía Stella Baldursdóttir og Vaka Víðisdóttir keppa fyrir hönd okkar og Íslands. Þjálfari liðsins er Rannveig Gauja Guðbjartsdóttir.
Við fylgjumst spennt með framgöngu liðsins en unga fólkið okkar er félaginu ávallt til mikils sóma og óhætt að segja að framtíðin er björt. 
Úrslitakeppni hefst klukkan 14.00 á íslenskum tíma og hægt er að fylgjast með útsendingu með því að ýta á slóðina hér að neðan
https://www.youtube.com/user/AgriaDyreforsikring
​
Við óskum stelpunum góðs gengis og áfram Ísland!

Nú er Winter Wonderland sýning félagsins handan við hornið og það gleður okkur að tilkynna að við ætlum að prófa að framkvæma sýninguna með aðstoð frá vinum okkar í Danska Hundaræktarfélaginu. Við munum prófa hluta sýningarkerfisins þeirra sem mikið hefur verið lagt í að þróa síðustu ár. Við biðjum ykkur að sýna okkur þolinmæði og skilning við þessa fyrstu prufu á kerfinu og fullvissum ykkur um að við leysum úr öllu því sem við mögulega getum, ef ekki fyrir sýningu, þá á sýningunni sjálfri. Hér að neðan eru mikilvægar upplýsingar sem gætu komið að gagni og svarað spurningum.   

1. Þátttökunúmer
Á næstu 2-3 dögum fáið þið sýningarnúmer hundanna ykkar send í tölvupósti, vinsamlega athugið að pósturinn kemur frá „Dansk Kennel Klub“ og er frá sjálfvirku netfangi og er því miður ekki á íslensku nema að litlum hluta en þess í stað fáið þið stórkostlegt tækifæri til að æfa ykkur í dönsku.  Ef sýningarnúmerið berst ekki hafið þá samband við miðasölu á sýningunni. 

2. Sýningarskrá
Í þessarri fyrstu keyrslu á kerfinu verða hnökrar á einhverjum upplýsingum í sýningarskrá. Til dæmis getur verið að litur hunda sé rangt skráður eða að einhverja titla vanti og eins birtist einungis fyrsti eigandi hunds í skránni. Ekki láta ykkur bregða þó það slæðist inn danska hér og þar.  Skráin verður rafræn og aðgengileg á sýningardegi en einnig verður hún útprentuð eins og áður.  Slóð á skránna verður birt á vefnum á sýningardegi.

3. Umsagnir 
Umsagnir verða skráðar inn rafrænt á sýningunni og verður hægt að skoða þær um leið og hundur er búinn í dómi. Slóðin á umsagnir og úrslit hringja verður birt á vef hrfi.is og verður hægt að prenta út umsagnir á staðnum gegn smávægilegu gjaldi ellegar prenta sjálfur þegar heim er komið.  Umsagnir allra hunda og einkunnir þeirra verða þannig aðgengilegar áhugasömum á vefnum. 

Við hlökkum til að taka þetta fyrsta skref með nýtt sýningarkerfi og óskum ykkur allrar velgengi og góðrar skemmtunar á Winter Wonderland sýningunni. 


.  

Upplýsingar um nöfn eigenda hunda sem skráðir eru á sýningar félagsins þann 23.-25. nóvember eru birtar í sýningarskrá sem prentuð er, sett á internetið og afhent skráðum þátttakendum og öðrum sem þess óska. Með skráningu á sýningu samþykkir eigandi að HRFÍ megi birta nöfn eigenda í sýningaskrá og/eða á heimasíðu félagsins þ.m.t. þegar um úrslit er um að ræða.
​
Óski skráður eigandi hunds sem skráður er á sýninguna hins vegar eftir því að nafn hans verði EKKI birt í sýningaskrá er nauðsynlegt að félaginu sé sendur tölvupóstur í síðasta lagi fimmtudaginn 15. nóvember á netfangið hrfi@hrfi.is með eftirfarandi upplýsingum;

Í efnis linu (subject): Eigendaupplýsingar í sýningarskrá
Í meginmáli skeytis: Ættbókarnafn hundsins/hundanna  sem um ræðir.

Ef tölvupóstur berst síðar verður ekki unnt að verða við óskum um að nöfn eiganda birtist ekki í prentaðri sýningarskrá. ​