Stjórn hefur reynt að halda gjaldskrá félagsins nær óbreyttri undanfarin ár en sér sig nú knúna til að gera gjaldskrárbreytingar.
Launa- og neysluvísitala hefur hækkað umtalsvert síðustu tvö árin og þar með allur kostnaður við rekstur félagsins.
Stjórn hefur því ákveðið að hækka félagsgjöldin um 12%, árlegt félagsgjald mun hækka úr 7.500 kr í 8.500 kr og hjónagjald úr 10.600 kr í 12.750 kr. Fullt gjald er fyrir annað hjónanna og hálft gjald fyrir hitt.
Sýningargjöld munu hækka um 7% en þau hafa einnig staðið í stað undanfarin tvö ár. Breytingar hafa einnig verið gerðar á liðum í gjaldskrá vegna sýninga en nú mun öldungur vera á sama gjaldi á öllum sýningum og verður það heldur lægra en almennt gjald, hann mun þó ekki teljast til afsláttar á móti.
Aðrir liðir í gjaldskrá hækka um c.a. 12% til samræmis við verðlagshækkanir. Ný gjaldskrá tekur gildi þann 1. janúar 2020.

Hundaræktarfélag Íslands óskar félagsmönnum gleðilegra jóla og farsældar á komandi ári. Við viljum þakka þeim fjölmörgu félagsmönnum sem starfað hafa í þágu félagsins á árinu og gert viðburði og fjölbreytta starfsemi Hundaræktarfélagsins að veruleika.  Án ykkar framlags væri þetta ekki mögulegt. Við hlökkum til frekara samstarfs og samveru með mönnum og hundum á komandi ári.

Um helgina fer Nordic Winner fram í Stokkhólmi, Svíþjóð, en landslið ungra sýnenda lagði af stað út í gær. Í liðinu eru þær Bergdís Lilja Þorsteinsdóttir, Elena Mist Theodórsdóttir, Snærún Ynja Hallgrímsdóttir Smith og Stefanía Stella Baldursdóttir og þjálfari liðsins er Rannveig Gauja Guðbjartsdóttir.
Stelpurnar keppa á sunnudaginn og hefst forkeppnin kl. 8 á íslenskum tíma, ekki er sýnt frá þeirri keppni á netinu. Kl. 14:15 á íslenskum tíma (kl. 15:15 á sænskum) fara efstu 5 eftir forkeppnina inn í stóra hringinn og síðan fara allir keppendurnir inn kl. 15:25 (kl. 16:25 á sænskum tíma) inn í stóra hringinn og úrslitin kynnt svo hægt verður að fylgjast með því í beinni útsendingu: https://play.staylive.se/dogplay/livekalender
Stelpurnar verða með Snapchat og Instagram félagsins á meðan ferðinni stendur og hægt verður að fylgjast með þeim þar! Endilega bætið við “hrfihundar” á Snapchat og "hrfislands" á Instagram til að fylgjast með þeim.
​
Við óskum stelpunum góðs gengis - Áfram Ísland!

Dagsetningar fyrir augnskoðanir 2020 hafa verið ákveðnar. Skoðað verður fjórum sinnum í Reykjavík og einu sinni á Akureyri.
Skráning í augnskoðun hefst í janúar 2020 
​Dagsetningar eru birtar með fyrirvara um breytingar.

Augnskoðun 6.-7. febrúar
Skrifstofu HRFÍ, Reykjavík
Dýralæknir: Jens Kai Knudsen

Augnskoðun 14.-16. maí
14. maí á Akureyri, 15.-16. maí á skrifstofu HRFÍ, Reykjavík
Dýralæknir: Susanne Mølgaard Kaarsholm

Augnskoðun 3.-5. september
Skrifstofu HRFÍ, Reykjavík
Dýralæknir: Jens Kai Knudsen

Augnskoðun 12.-13. nóvember
Skrifstofu HRFÍ, Reykjavík
Dýralæknir: Susanne Mølgaard Kaarsholm