​Það styttist í síðari útisýningu ársins, sem að þessu sinni er Norðurlandasýning sem haldin verður helgina 12.-13. ágúst á Víðistaðatúni í Hafnarfirði.
Á sýninguna eru skráðir rúmlega þúsund hundar, auk ungra sýnenda. Dæmt verður í sjö hringjum báða daga og hefjast dómar að venju kl. 9.
Dómarar að þessu sinni verða Åke Cronander (Svíþjóð), Dagmar Klein (Rúmenía), Hans Van den Berg (Holland), Jari Partanen (Noregur), Paula Rekiranta (Finnland), Rui Oliveira (Portúgal) og Thomas Rohlin (Danmörk).
Við vekjum athygli á því að tegundahópur 10 hefur verið færður yfir á laugardag og að áður auglýsti dómarinn Svend Løvenkjær mun dæma á október sýningunni í stað þessarar.
Hér að neðan má sjá dagskrá sýningar og PM með hefðbundnum fyrirvara um villur og breytingar. Dagskrá úrslita verður birt þegar nær dregur.

Nú hafa verið samþykktar reglur frá Vinnuhundadeild HRFÍ fyrir rallý hlýðni. Reglurnar taka gildi 1. ágúst næst komandi, sjá má reglurnar ásamt þeim skiltum sem eru notuð hér að neðan eða undir Lög og reglur. Reglurnar eru unnar út frá reglum Nordic Kennel Union um rallý og notuð eru skiltin úr því regluverki líka.

Stutt kynning á rallý hlýðni:

Rallý hlýðni (e. rally obedience) er hunda íþrótt sem byggist á hefðbundinni hlýðni (e. obedience). Í rallý framkvæmir teymið, hundur og stjórnandi, mismunandi æfingar í fyrirfram uppsettri braut. Ólíkt hefðbundinni hlýðni, þar sem teymið bíður eftir skipun prófdómara fyrir hverja æfingu, heldur teymið áfram í brautinni (sjálft) á jöfnum og eðlilegum hraða. Hundurinn er staðsettur við vinstri hlið stjórnandans í brautinni, nema annað sé tekið fram, í hámark hálfs meters fjarlægð.

Rallý braut er saman sett af 10-20 skiltum með mismunandi æfingum. Æfingarnar eru framkvæmdar eins og skiltin í brautinni gefa til kynna um, með hundinn í hælstöðu. Áhersla er lögð á samvinnu hunds og stjórnanda í öllum æfingum og á milli æfinganna. Stjórnanda er leyft að nota bæði skipun og líkamstjáningu samtímis í prófi en skipanir skulu vera stuttar og lágstemmt hrós er leyfilegt. Stjórnandi má ekki snerta hundinn á meðan farið er í gegnum brautina. Í keppni byrjar teymið með 100 stig og dómari dregur frá stig fyrir þær æfingar sem ekki eru nægilega vel framkvæmdar eða ef teymið gerir villur í brautinni, mismikið er dregið af fyrir mismunandi villur. Matið er heilt yfir ekki eins strangt og í hefðbundinni hlýðni. Keppt er í mismunandi flokkum og eru æfingarnar mismargar og miserfiðar eftir flokkum. Skiltin byggjast að stórum hluta á æfingunum; að setjast, leggjast og standa, sem eru framkvæmdar á mismunandi stöðum, í mismunandi röð og oftast í sambland við aðrar æfingar. Í sumum æfingum þarf stjórnandinn að vísa hundinum fram fyrir og/eða aftur fyrir sig, í kringum sig og skipta um hliðar.

Rallý byggir því mikið á samspili og leikni hunds og stjórnanda sem teymis. Rallý er hunda íþrótt sem auðvelt er að byrja að æfa heima, inn í stofu eða úti í garði til dæmis, þar sem það þarf ekki endilega mikið pláss til að byrja með. Auðvelt er að byrja að æfa og kenna eina og eina æfingu og komast síðar í röð mismunandi æfinga í braut.

Nú er hægt að sækja um básapláss á ágúst sýningunni 12. - 13. ágúst.

Fylla þarf út umsóknina ( sem er hér að neðan) og senda á silja@hrfi.is - umsóknafrestur er til 21. júlí - umsóknir sem berast eftir það verða ekki samþykktar. 

hlökkum til að sjá sem flesta :)

Nú fer heldur að styttast í seinni útsýningu ársins sem er NKU Norðurlandasýning og fer fram dagana 12.-13. ágúst og verður haldin í hjarta Hafnarfjarðar á Víðistaðatúni.
Athugið að boðið verður upp á keppni ungra sýnenda bæði á laugardag og sunnudag.

Dómarar helgarinnar verða: Åke Cronander (Svíþjóð), Dagmar Klein (Rúmenía), Hans Van den Berg (Holland), Jari Partanen (Noregur), Paula Rekiranta (Finnland), Rui Oliveira (Portúgal), Svend Løvenkjær (Danmörk) og Thomas Rohlin (Danmörk).
​Fyrri skráningafrestur, gjaldskrá 1: 2. júlí kl. 23:59
Seinni skráningafrestur, gjaldskrá 2: 16. júlí kl. 23:59

Skráning gengur mjög vel og minnum á að fyrri skráningafrestur lýkur þann 2. júlí kl 23:59  og lokast alfarið fyrir skráningu þann 16. júlí kl 23.59
Gjaldskrá 1: sunnudagurinn 2. júlí, kl. 23:59
Gjaldskrá 2: sunnudagurinn 16. júlí, kl. 23:59 
​
Ef fólki vantar tæknilega aðstoð er það hvatt til að skrá tímanlega, og munum við reyna að aðstoða í gegnum email í sumarlokun.
Ekki er veitt aðstoð við skráningu eftir að skráningafresti á sýninguna lýkur. Athugið að hámarksfjöldi skráninga er 1300 hundar og lokar skráningakerfi sjálfkrafa þegar og ef þeim fjölda er náð. Það gæti því gerst fyrir tilgreindan lokatíma skráningafrests.
Umsóknir um meistaratitla, ættbókarskráningar, eigendaskipti, umskráningar á erlendum ættbókum, þurfa að hafa borist félaginu ásamt öllum viðeigandi gögnum og greiðslu Í SÍÐASTA LAGI MÁNUDAGINN 3. JÚLÍ til þess að tryggja að skráning náist.

Skráningar á sýningar HRFÍ fara fram í gegnum hundavefur.is en einnig er hægt að skrá á skrifstofu HRFÍ á sérstökum skráningarblöðum gegn aukagjaldi til og með 2. júlí. Skrifstofa HRFÍ er opin mánudaga til fimmtudaga frá kl. 10-15. Ekki er tekið við skráningum sem berast eftir síðasta skráningadag.

Til þess að geta skráð þarf eigandi/eigendur hunds sem skráður er á sýningu HRFÍ að vera virkur félagsmaður, með greitt árgjald, í HRFÍ, eða félagi viðurkenndu af HRFÍ, það ár sem sýningin fer fram. Ef eigandi hefur ekki greitt félagsgjald skal hafa samband við skrifstofu HRFÍ til að ganga frá greiðslu á því áður en skráð er á sýningu. Hundar skráðir á sýninguna með íslenska eigendur skulu vera skráðir í HRFÍ. Aðrir hundar verða að vera skráðir hjá öðrum hundaræktunarfélögum samþykktum af FCI. Skráning og greiðsla þarf að hafa borist félaginu áður en síðasta skráningadegi lýkur.

Ekki er hægt að millifæra fyrir sýningagjöldum í vefskráningum og skráningar eru ekki teknar gildar ef greiðsla fylgir ekki.
Dómaraáætlun fyrir sýningar félagsins má nú nálgast HÉR

Skoðað verður í Dýraspítalanum Lögmannshlíð á Akureyri og í Sólheimakoti fyrir Reykjavíkursvæðið.

Hér má finna tímana, hundar eru skráðir eftir ættbókarnafni og ættbókarnúmeri. Hægt er að leit með því að gera ctrl f og skrifa nafnið eða ættbókarnúmerið. 

Ef hundur var skráður en finnst ekki á listanum er sá hundur ógreiddur.  

Pössum umgegni á skoðunarstöðum. Virðum tímasetningar! mætið á réttum tíma!

Sámur er gefinn út á netinu www.hundasamur.is og er helsta fræðslu og fréttaveita félagsmanna.
 
Dæmi um verkefni nefndarinnar:
      - viðtöl við t.d. ræktendur, dómara, dýralækna, þjálfara og hundafólk.
      - greinaskrif um t.d. þjálfun, íþróttir, veiði, sögu, heilsu og hundasýningar.
      - fréttir um það sem er að gerast hjá félaginu og úti í hinum stóra hundaheimi.
      - skipulagning á fræðsluviðburðum félagins.
 
Hæfniskröfur:
      - jákvæðni og áhugi á hundum og hundatengdum málefnum.
 
Athugið að ekki er nauðsynlegt að vera með framúrskarandi íslensku og stafsetningarkunnáttu til að vera í nefndinni. Reynsla af greinaskrifum er ekki skilyrði og allir áhugasamir eru velkomnir.
Áhugasamir hafi samband á netfangið hundasamur@hrfi.is – Linda Björk Jónsdóttir, ritstjóri Sáms. 

Við vorum að fá þær fréttir að Rafael Malo Alcrudo hefur þurft að tilkynna forföll nú um helgina. Þar sem við höfum ekki svigrúm í tíma til að fá staðgengil hefur verið ákveðið að endurraða dagskrám á þá 12 dómara sem eftir eru. Þetta þýðir að tilkynnt dagskrá og PM mun riðlast eitthvað við biðjum sýnendur um að fylgjast vel með hér á síðunni þar sem að við birtum uppfærðar dagskrár eins fljótt og auðið er. Vonumst við eftir skilningi félagsmanna á þessum aðstæðum. Vinsamlegast deilið sem víðast.
Við gerum þetta saman! Góðu fréttirnar eru að það er sól um helgina
- Með sól í hjarta, sýningastjórn HRFÍ

Nú um helgina, 10.-11. júní, verður fyrri útisýningar helgi sumarsins haldin á Víðistaðatúni í Hafnarfirði, í þetta skipti eru þetta tvær sýningar. Skráning á sýningarnar fór fram út björtustu vonum, en bætt var við dómara í lok skráningar til að koma fleiri að. Á laugardag eru 1040 hundar skráðir ásamt 32 ungum sýnendum og 1030 hundar skráðir á sunnudag ásamt 24 ungum sýnendum. Allir dómhringir byrja kl. 9:00 báða daga og áætlað að úrslit hefjist kl. 15:30 báða daga. Gera má ráð fyrir að þau standi til u.þ.b. kl. 18.

Dómarar helgarinnar verða: Anita Duggan (Írland), Barbara Müller (Sviss), Charlotta Melin (Svíþjóð), Daníel Örn Hinriksson (Ísland), Dimitris Antonopoulos (Svíþjóð), Herdís Hallmarsdóttir (Ísland), Jørgen Hindse (Danmörk), Laurent Pichard (Sviss), Ozan Belkis (Tyrkland), Sóley Halla Möller (Ísland), Terje Lindstrøm (Noregur) og Þórdís Björg Björgvinsdóttir (Ísland).
​
Hér er hægt að sjá dagskrá og PM (dagskrá hringja)
Vekjum athygli á nýjum dagskrálið sem verður haldinn báða daga í úrslita hringnum milli kl 10 og 12, en það er innkallsþraut og eru allir hundar velkomnir! Sjá nánar hér.
Úrslit, umsanig og sýningaskrá má finna á hundavefur.is

Uppsetning sýningar fer fram á föstudeginum 9. júní. Ekki verður heimilt að tjalda á túninu fyrr en uppsetningu er lokið og leyfi hefur verið veitt, það er áætlað kl. 18 en gæti orðið seinna. Vinsamlegast athugið að tjöld við sýningarhringi mega ekki vera stærri en 3m x 3m og þau verða að vera staðsett minnst 4 metrum frá sýningahringjum. Stærri tjöldum má tjalda fjarri sýningarhringjum.

Innkallsþraut verður í gangi í úrslitahringnum frá kl 10-12 bæði laugardag og sunnudag. Allir geta tekið þátt, skráning fer fram í Royal Canin kúlunni sem staðsett verður við úrslitahringinn. 

Hlökkum til að sjá ykkur!