Parvó smáveirusótt
Smáveirusótt hefur verið landlæg í hundum á Íslandi frá árinu 1992, en þá hófust bólusetningar gegn þessum bráðsmitandi veirusjúkdómi. Sjúkdómurinn varð sem betur fer aldrei að neinum faraldri, þó stöku sinnum sæjust tilfelli hans og þá sérstaklega í óbólusettum hundum.
Undanfarið ár hefur tilfellum smáveirusóttar fjölgað frá því sem áður var, einkum í hvolpum og ungum hundum. Nokkrir hundar hafa drepist, þar af nokkrir sem voru fullbólusettir að því sem talið var og voru þessi tilfelli ekki bara af höfuðborgarsvæðinu.
Hundaræktarfélag Íslands hvetur hundeigendur til að gæta þess að láta bólusetja hunda sína reglulega samkvæmt leiðbeiningum dýralækna.
Grunnbólusetja skal hvolpa frá 8 vikna aldri og aftur 4 vikum seinna þegar hvolpurinn er fullra 12 vikna. Endurbólusett er að ári og eftir það á tveggja ára fresti. Í dag er notast við svokallað „lifandi” bóluefni sem á að veita góða vernd.
Smáveirusóttarveiran leggst á meltingarfæri hunda og veldur í upphafi blóðugum niðurgangi ásamt uppköstum. Í kjölfarið verður hundurinn slappur, fær háan hita ásamt vökvatapi og í verstu tilfellum getur sýkingin leitt til dauða.
Veiran leggst þyngst á unga hvolpa og hunda sem eru ekki fullbólusettir. Eldri hundar standa betur að vígi gagnvart þessari sýkingu.
Smáveirusóttarveiran skilst út með saur og er veiran afar lífseig í umhverfinu. Hundeigendur ættu að forðast að fara með hunda sína á „hunda”svæði þar sem margir hundar fara um og óvíst er um heilbrigðisástand þeirra.
Meðhöndlun felst m.a. í vökvameðferð og sýklalyfjagjöf.
Smáveirusótt hefur verið landlæg í hundum á Íslandi frá árinu 1992, en þá hófust bólusetningar gegn þessum bráðsmitandi veirusjúkdómi. Sjúkdómurinn varð sem betur fer aldrei að neinum faraldri, þó stöku sinnum sæjust tilfelli hans og þá sérstaklega í óbólusettum hundum.
Undanfarið ár hefur tilfellum smáveirusóttar fjölgað frá því sem áður var, einkum í hvolpum og ungum hundum. Nokkrir hundar hafa drepist, þar af nokkrir sem voru fullbólusettir að því sem talið var og voru þessi tilfelli ekki bara af höfuðborgarsvæðinu.
Hundaræktarfélag Íslands hvetur hundeigendur til að gæta þess að láta bólusetja hunda sína reglulega samkvæmt leiðbeiningum dýralækna.
Grunnbólusetja skal hvolpa frá 8 vikna aldri og aftur 4 vikum seinna þegar hvolpurinn er fullra 12 vikna. Endurbólusett er að ári og eftir það á tveggja ára fresti. Í dag er notast við svokallað „lifandi” bóluefni sem á að veita góða vernd.
Smáveirusóttarveiran leggst á meltingarfæri hunda og veldur í upphafi blóðugum niðurgangi ásamt uppköstum. Í kjölfarið verður hundurinn slappur, fær háan hita ásamt vökvatapi og í verstu tilfellum getur sýkingin leitt til dauða.
Veiran leggst þyngst á unga hvolpa og hunda sem eru ekki fullbólusettir. Eldri hundar standa betur að vígi gagnvart þessari sýkingu.
Smáveirusóttarveiran skilst út með saur og er veiran afar lífseig í umhverfinu. Hundeigendur ættu að forðast að fara með hunda sína á „hunda”svæði þar sem margir hundar fara um og óvíst er um heilbrigðisástand þeirra.
Meðhöndlun felst m.a. í vökvameðferð og sýklalyfjagjöf.